ಶ್ರಾವಣದ ಮೊದಲ ದಿನವೇ ಚಿನ್ನದ ದರ ₹500 ಕುಸಿತ: ಬೆಳ್ಳಿ ದರ ಸ್ಥಿರ

ನವದೆಹಲಿ: ಶ್ರಾವಣ ಮಾಸದ ಮೊದಲ ದಿನವಾದ ಶುಕ್ರವಾರವೇ ಪ್ರತಿ ಹತ್ತು ಗ್ರಾಂ ಶುದ್ಧ ಬಂಗಾರದ ಬೆಲೆ ₹500 ಕುಸಿದಿದ್ದು, ದೆಹಲಿಯಲ್ಲಿ ₹99,120ಕ್ಕೆ ಮಾರಾಟವಾಗಿದೆ. 

ಜಾಗತಿಕ ವ್ಯಾಪಾರ ಸಂಘರ್ಷ ತಿಳಿಗೊಳ್ಳುತ್ತಿರುವ ಸಂದರ್ಭದಲ್ಲಿ ಮತ್ತು ಚಿನ್ನವನ್ನು ಹೂಡಿಕೆಯ ಸುರಕ್ಷಿತ ವಲಯ ಎಂದು ಹೂಡಿಕೆದಾರರು ಪರಿಗಣಿಸಿದ ಸಂದರ್ಭದಲ್ಲೇ ಚಿನ್ನದ ಬೆಲೆ ಲಕ್ಷದ ಕೆಳಗೆ ಜಾರಿದೆ.

99.9 ಶುದ್ಧತೆಯ ಪ್ರತಿ ಹತ್ತು ಗ್ರಾಂ ಬಂಗಾರದ ಬೆಲೆ ಗುರುವಾರ ₹99.620 ಇತ್ತು. ಸ್ಥಳೀಯ ಮಾರುಕಟ್ಟೆಯಲ್ಲಿ 99.5 ಶುದ್ಧತೆಯ ಬಂಗಾರದ ಬೆಲೆಯೂ ₹500 ಕುಸಿದಿದ್ದು, ಪ್ರತಿ ಹತ್ತು ಗ್ರಾಂಗೆ ₹99,250ರಂತೆ ಮಾರಾಟವಾಗಿದೆ. 

ಮತ್ತೊಂದೆಡೆ ಬೆಳ್ಳಿಯ ಬೆಲೆಯಲ್ಲಿ ಯಾವುದೇ ವ್ಯತ್ಯಾಸವಾಗಿಲ್ಲ. ಪ್ರತಿ ಕಿಲೋ ಗ್ರಾಂಗೆ ತೆರಿಗೆ ಸಹಿತ ₹1.15ಲಕ್ಷದಂತೆ ಮಾರಾಟವಾಗಿದೆ ಎಂದು ಸರಾಫ್ ಸಂಘ ಹೇಳಿದೆ.