Next-Gen GST: ರೈತರಿಗೆ ಬೆಂಬಲ; ಕೃಷಿ ಕ್ಷೇತ್ರದಲ್ಲಿ ಯಾವುದೆಲ್ಲ ಅಗ್ಗ?

ನವದೆಹಲಿ: ಜಿಎಸ್‌ಟಿ ವ್ಯವಸ್ಥೆಯ ಅಡಿಯಲ್ಲಿ ಈಗ ಇರುವ ನಾಲ್ಕು ತೆರಿಗೆ ಹಂತಗಳನ್ನು ಎರಡು ಹಂತಗಳಿಗೆ ತಗ್ಗಿಸುವ ಪ್ರಸ್ತಾವಕ್ಕೆ ಮಂಡಳಿಯು ಒಪ್ಪಿಗೆ ನೀಡಿದೆ. ಈ ಎರಡು ತೆರಿಗೆ ಹಂತಗಳ (ಶೇ 5 ಮತ್ತು ಶೇ 18) ಹೊಸ ವ್ಯವಸ್ಥೆಯು ನವರಾತ್ರಿಯ ಮೊದಲ ದಿನವಾದ ಸೆಪ್ಟೆಂಬರ್‌ 22ರಿಂದ ಜಾರಿಗೆ ಬರಲಿದೆ. ಈ ಮೂಲಕ ದೇಶದ ಜನರಿಗೆ ಕೇಂದ್ರ ಸರ್ಕಾರ ದಸರಾ ಭರ್ಜರಿ ಉಡುಗೊರೆ ನೀಡಿದೆ.

ಹೊಸ ತೆರಿಗೆಯಲ್ಲಿ ರೈತರಿಗೆ ಹೆಚ್ಚಿನ ಬೆಂಬಲ ನೀಡಲು ಕೇಂದ್ರ ಸರ್ಕಾರ ನಿರ್ಧರಿಸಿದೆ.

ಶೇ 18ರಷ್ಟು ಜಿಎಸ್‌ಟಿ ಶೇ 5ಕ್ಕೆ ಇಳಿಕೆ:

*ಟ್ರ್ಯಾಕ್ಟರ್ ಚಕ್ರ ಹಾಗೂ ಬಿಡಿಭಾಗಗಳು,

*250 ಸಿಸಿಗಿಂತ ಹೆಚ್ಚಿನ ಸಿಲಿಂಡರ್ ಸಾಮರ್ಥ್ಯದ ಕೃಷಿ ಡೀಸೆಲ್ ಎಂಜಿನ್‌ಗಳು,

*ಟ್ರ್ಯಾಕ್ಟರ್‌ಗಳ ಹೈಡ್ರಾಲಿಕ್ ಪಂಪ್,

*ಹಿಂಬದಿ ಚಕ್ರಗಳ ರಿಮ್, ಟ್ರಾನ್ಸ್‌ಮಿಷನ್ ಹೌಸಿಂಗ್,

*ಬಂಪರ್, ಬ್ರೇಕ್, ರೇಡಿಯೇಟರ್ ಅಸೆಂಬ್ಲಿ,

*ಕೂಲಿಂಗ್ ಸಿಸ್ಟಂ ಬಿಡಿಭಾಗ

ಶೇ 12ರಷ್ಟು ಜಿಎಸ್‌ಟಿ ಶೇ 5ಕ್ಕೆ ಇಳಿಕೆ:

*ಟ್ರ್ಯಾಕ್ಟರ್,

*ಜೈವಿಕ ಕೀಟನಾಶಕ,

*ಕೃಷಿ ಉತ್ಪನ್ನಗಳ ಪೋಷಕಾಂಶ,

*ನೀರಾವರಿ ವ್ಯವಸ್ಥೆ,

*ಸ್ಪ್ರಿಂಕ್ಲರ್,

*ಕೃಷಿ, ತೋಟಗಾರಿಕೆ, ಅರಣ್ಯ - ಮಣ್ಣನ್ನು ಹದಗೊಳಿಸುವ ಯಂತ್ರಗಳು,

*ಸಾಗುವಳಿ, ಬೇಸಾಯ, ವ್ಯವಸಾಯ,

*ಕೊಯ್ಲು, ಒಕ್ಕಣೆ

*15 ಎಚ್‌ಪಿ ಮೀರದ ಡೀಸೆಲ್ ಎಂಜಿನ್