ಆರ್ಥಿಕ ಹಿಂಜರಿತದ ಭೀತಿ: ಕಚ್ಚಾ ತೈಲ ಬೆಲೆಯಲ್ಲಿ ಭಾರಿ ಕುಸಿತ

ನವದೆಹಲಿ: ಜಾಗತಿಕ ಆರ್ಥಿಕ ಹಿಂಜರಿತದ ಪರಿಣಾಮವಾಗಿ ತೈಲ ಬೇಡಿಕೆಯ ಬಗ್ಗೆ ಕಳವಳ ಉಂಟಾಗಿದ್ದು, ಗುರುವಾರದ ಆರಂಭಿಕ ವಹಿವಾಟಿನಲ್ಲಿ ಕಚ್ಚಾ ತೈಲ ಬೆಲೆಯು ಕುಸಿತ ಕಂಡಿದೆ. ಬುಧವಾರ ರಾತ್ರಿ ತೈಲ ಬೆಲೆಯು ಮೂರು ತಿಂಗಳಲ್ಲೇ ಕನಿಷ್ಠ ಮಟ್ಟಕ್ಕೆ ಕುಸಿದಿತ್ತು.

ಬ್ರೆಂಟ್ ಕಚ್ಚಾ ತೈಲ ಬೆಲೆಯು ರಾತ್ರಿ 12.13ರ ವೇಳೆಗೆ ಬ್ಯಾರೆಲ್‌ಗೆ 71 ಸೆಂಟ್‌ಗಳಷ್ಟು ಇಳಿದು, 99.98 ಡಾಲರ್‌ಗೆ ತಲುಪಿತು. ಡಬ್ಲ್ಯುಟಿಐ ತೈಲವು 62 ಸೆಂಟ್‌ಗಳಷ್ಟು ಕುಸಿತ ಕಂಡಿತು. ಹೀಗಾಗಿ 97.91 ಡಾಲರ್‌ ಆಯಿತು.

ಇದಕ್ಕೂ ಮೊದಲು ಮಂಗಳವಾರ ತೈಲ ಬೆಲೆಯಲ್ಲಿ ಭಾರಿ ಕುಸಿತವುಂಟಾಗಿತ್ತು. ಡಬ್ಲ್ಯುಟಿಐ ಶೇಕಡ 8 ರಷ್ಟು ಕುಸಿದರೆ, ಬ್ರೆಂಟ್ ಶೇಕಡ 9ರಷ್ಟು ಇಳಿದಿತ್ತು.