₹ 23 ಲಕ್ಷ ಮೌಲ್ಯದ 43 ಕೆ.ಜಿ ಮಾದಕ ವಸ್ತು ಗಾಂಜಾ ವಶ

ಬೆಂಗಳೂರು: ಮಹಿಳೆ ಸೇರಿ ಆರು ಮಂದಿಯನ್ನು ಬಂಧಿಸಿರುವ ಕೇಂದ್ರ ಅಪರಾಧ ದಳ (ಸಿಸಿಬಿ) ಅಧಿಕಾರಿಗಳು, ಆರೋಪಿಗಳಿಂದ ₹ 23 ಲಕ್ಷ ಮೌಲ್ಯದ 43 ಕೆ.ಜಿ ಮಾದಕ ವಸ್ತು ಗಾಂಜಾ ವಶಪಡಿಸಿಕೊಂಡಿದ್ದಾರೆ.

ಆಂಧ್ರಪ್ರದೇಶದವರಾದ ಸವಾರ ಕವಿತಾ (23), ಕಿಲ್ಲೊ ಧನುರಾಜೈ (25), ಪಂಗೈ ಮತ್ಯರಾಜು (26), ಉಪ್ಪಲಪಟ್ಟಿ ಸುಬ್ಬಾರೆಡ್ಡಿ (42), ಬೆಂಗಳೂರಿನ ಅಶೋಕನಗರದ ಗೌರವ್ (22), ಬನ್ನೇರುಘಟ್ಟ ರಸ್ತೆಯ ಮಹಮದ್ಅಮ್ಮರ್ ಶಂಷಾದ್ (25) ಬಂಧಿತರು.

ಆರೋಪಿಗಳು ವಿಶಾಖಪಟ್ಟಣದಿಂದ ಬಸ್ಸಿನಲ್ಲಿ ಅಕ್ರಮವಾಗಿ ಗಾಂಜಾ ನಗರಕ್ಕೆ ತಂದು ಇಂದಿರಾನಗರ ಮತ್ತು ಮೈಕೊ ಲೇಔಟ್ ಪೊಲೀಸ್ ಠಾಣಾ ವ್ಯಾಪ್ತಿಗಳಲ್ಲಿ ಗಿರಾಕಿಗಳಿಗೆ ಮಾರಾಟ ಮಾಡುತ್ತಿದ್ದರು ಎಂದು ಅಧಿಕಾರಿಗಳು ತಿಳಿಸಿದರು.