ಜೂಡೊ: ಕಂಚು ಗೆದ್ದ ಅನುಷಾ

ಕೊಪ್ಪಳ: ಶಾಲಾ ಶಿಕ್ಷಣ ಇಲಾಖೆ (ಪದವಿ ಪೂರ್ವ), ರಾಜ್ಯ ಸರ್ಕಾರ ಹಾಗೂ ಡಾನ್ ಬೋಸ್ಕೊ ಪದವಿ ಪೂರ್ವ ಕಾಲೇಜು, ಚಿತ್ರದುರ್ಗ ಸಂಯುಕ್ತ ಆಶ್ರಯದಲ್ಲಿ ನಡೆದ ರಾಜ್ಯಮಟ್ಟದ ಪದವಿ ಪೂರ್ವ ಕಾಲೇಜುಗಳ ಜೂಡೊ ಕ್ರೀಡಾಕೂಟದಲ್ಲಿ ಜಿಲ್ಲೆಯ ಅನುಷಾ ಕಂಚಿನ ಪದಕ ಜಯಿಸಿದ್ದಾರೆ.

ಬಾಲಕಿಯರ 40 ಕೆ.ಜಿ ತೂಕ ವಿಭಾಗದಲ್ಲಿ ಅವರು ಈ ಸಾಧನೆ ಮಾಡಿದ್ದಾರೆ. ಮುಖ್ಯ ತರಬೇತುದಾರ ಬಾಬುಸಾಬ್ ಮಾರ್ಗದರ್ಶನ ಮಾಡಿದ್ದಾರೆ.

ಪದಕ ವಿಜೇತೆ ಅನುಷಾ ಮಾತನಾಡಿ ‘ಜೂಡೊ ಕ್ರೀಡೆಯು ನನ್ನ ಜೀವನದ ಭಾಗವಾಗಿದೆ. ಪ್ರತಿದಿನವೂ ಕಠಿಣ ತರಬೇತಿಯಲ್ಲಿ ತೊಡಗಿಕೊಂಡು ಈ ಸಾಧನೆ ಮಾಡಿದ್ದೇನೆ. ಈಗಿನ ಸಾಧನೆ ಮುಂದೆ ಮತ್ತಷ್ಟು ಪದಕಗಳನ್ನು ಗೆಲ್ಲಲು ಪ್ರೇರಣೆಯಾಗಲಿದೆ’ ಎಂದರು.