ಟ್ರೆಂಡಿಗ್‌ನಲ್ಲಿ ಅಗ್ರಸ್ಥಾನ ಪಡೆದ ಧನುಷ್ ನಟನೆಯ ‘ಆವಾರಾ ಅಂಗಾರಾ’ ಹಾಡು

ಬಿಲ್‌ಬೋರ್ಡ್ ಟ್ರೆಂಡಿಗ್ ಹಾಡಿನ ಪಟ್ಟಿಯಲ್ಲಿ ಧನುಷ್ ನಟನೆಯ 'ತೇರೆ ಇಷ್ಕ್‌ ಮೇ' ಚಿತ್ರದ ‘ಆವಾರಾ ಅಂಗಾರಾ’ ಹಾಡು ಮೊದಲ ಸ್ಥಾನದಲ್ಲಿದೆ ಎಂದು ಗಾಯಕ ಎ. ಆರ್. ರೆಹಮಾನ್ ಅವರು ಸಾಮಾಜಿಕ ಮಾಧ್ಯಮದಲ್ಲಿ ಹಂಚಿಕೊಂಡಿದ್ದಾರೆ.

‘ಆವಾರಾ ಅಂಗಾರಾ’ ಹಾಡು ಕುರಿತಂತೆ ಎ. ಆರ್. ರೆಹಮಾನ್ ಅವರು, ‘ಈ ಹಾಡನ್ನು ಕೇಳಿಸಿಕೊಂಡ ಪ್ರತಿಯೊಂದು ಕಿವಿಗೂ , ಸ್ಪಂದಿಸಿದ ಪ್ರತಿ ಹೃದಯಕ್ಕೂ ಹಾಗೂ ಚಿತ್ರತಂಡಕ್ಕೂ ಕೃತಜ್ಞತೆ ತಿಳಿಸುತ್ತೇನೆ’ ಎಂದು ಬರೆದುಕೊಂಡಿದ್ದಾರೆ.

‘ಆವಾರಾ ಅಂಗಾರಾ’ ಹಾಡು ಯೂಟ್ಯೂಬ್‌ನಲ್ಲಿ 1 ಕೋಟಿ 10 ಲಕ್ಷಕ್ಕೂ ಅಧಿಕ ವೀಕ್ಷಣೆ ಕಂಡಿದೆ. ನಟ ಧನುಷ್ ಹಾಗೂ ಕೃತಿ ಸೆನನ್ ನಟನೆಯ 'ತೇರೆ ಇಷ್ಕ್‌ ಮೇ' ಚಿತ್ರವು ಕಳೆದ ನ.28ಕ್ಕೆ ರಿಲೀಸ್ ಆಗಿ, ವಿಶ್ವದಾದ್ಯಂತ ₹100 ಕೋಟಿಗೂ ಅಧಿಕ ಗಳಿಸಿಕೊಂಡಿದೆ ಎಂದು ನಿರ್ಮಾಣ ಸಂಸ್ಥೆ ತಿಳಿಸಿತ್ತು.

'ತೇರೆ ಇಷ್ಕ್‌ ಮೇ' ಸಿನಿಮಾವನ್ನು ಟಿ-ಸೀರೀಸ್ ಮತ್ತು ಕಲರ್ ಯೆಲ್ಲೋ ಪ್ರೊಡಕ್ಷನ್ಸ್ ಸಂಸ್ಥೆ ನಿರ್ಮಾಣ ಮಾಡಿದೆ. ಗಾಯಕ ಎ. ಆರ್. ರೆಹಮಾನ್ ಸಂಗೀತ ನಿರ್ದೇಶನ ಚಿತ್ರಕ್ಕಿದೆ. ಪ್ರಕಾಶ್ ರಾಜ್, ಟೊಟಾ ರಾಯ್ ಚೌಧರಿ, ಪರಮ್‌ವೀರ್ ಸಿಂಗ್ ಚೀಮಾ ಚಿತ್ರದ ತಾರಾಬಳಗದಲ್ಲಿದ್ದಾರೆ.