ಶಿವರಾತ್ರಿಯಂದು ಶಿವನ ಮುಂದೆ ಹೆಜ್ಜೆ ಹಾಕಿದ ಶ್ರೀನಿಧಿ ಶೆಟ್ಟಿ, ತಮನ್ನಾ ಭಾಟಿಯಾ

ಮಹಾ ಶಿವರಾತ್ರಿಯ ದಿನದಂದು ಇಶಾ ಫೌಂಡೇಶನ್‌ಗೆ ಭಕ್ತ ಸಾಗರವೇ ಹರಿದು ಬಂದಿತ್ತು. ಪ್ರತಿ ವರ್ಷದಂತೆ ಈ ವರ್ಷ ಕೂಡ ಮಹಾ ಶಿವರಾತ್ರಿಯಂದು ಸಂಗೀತ, ನೃತ್ಯ ಇನ್ನಿತರ ಕಾರ್ಯಕ್ರಮಗಳು ಜರುಗಿದ್ದವು. ವಿಶೇಷವಾಗಿ ಮಹಾ ಶಿವರಾತ್ರಿಯಂದು ಇಶಾ ಫೌಂಡೇಶನ್​​ನಲ್ಲಿ 'ಕೆಜಿಎಫ್' ಚೆಲುವೆ ಶ್ರೀನಿಧಿ ಶೆಟ್ಟಿ ಹಾಗೂ ನಟಿ ತಮನ್ನಾ ಭಾಟಿಯ ಭಾಗಿಯಾಗಿದ್ದರು.

ಇದೇ ವೇಳೆ ಶಿವರಾತ್ರಿಯಂದು ಶಿವನ ಮುಂದೆ ಶ್ರೀನಿಧಿ ಶೆಟ್ಟಿ ಹಾಗೂ ತಮನ್ನಾ ಭಾಟಿಯಾ ಹೆಜ್ಜೆ ಹಾಕಿದ್ದಾರೆ. ಇದೇ ವಿಡಿಯೊವನ್ನು ನಟಿ ತಮನ್ನಾ ಅವರು ಸಾಮಾಜಿಕ ಮಾಧ್ಯಮದಲ್ಲಿ ಹಂಚಿಕೊಂಡಿದ್ದಾರೆ. ಅವರ ಜೊತೆಗೆ ಶ್ರೀನಿಧಿ ಶೆಟ್ಟಿ ಕೂಡ ಭಾಗಿಯಾಗಿ ಶಿವನ ಆರಾಧನೆ ಮಾಡಿದ್ದಾರೆ.

ನಟಿ ಶ್ರೀನಿಧಿ ಶೆಟ್ಟಿ ಅವರು ಆಗಾಗ್ಗೆ ಇಶಾ ಫೌಂಡೇಶನ್‌ಗೆ ಭೇಟಿ ನೀಡುತ್ತಲೇ ಇರುತ್ತಾರೆ. ಶಿವನ ಧ್ಯಾನವನ್ನು ಮಾಡುತ್ತಾ ಕಣ್ಣೀರಿಟ್ಟ ಫೋಟೊಗಳು, ವಿಡಿಯೊಗಳು ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡಿದ್ದವು. ವಿಶೇಷ ಏನೆಂದರೆ ಈ ಬಾರಿ ಜನಪ್ರಿಯ ನಟಿಯರು ಶಿವನ ಆರಾಧನೆ ಮಾಡುತ್ತಾ ಡ್ಯಾನ್ಸ್‌ ಮಾಡಿದ್ದು, ಅಭಿಮಾನಿಗಳಿಗೆ ಖುಷಿ ಕೊಟ್ಟಿದೆ.