Bigg Boss Kannada: ಬಿಗ್ಬಾಸ್ ಸೀಸನ್ 1– 11ರವರೆಗಿನ ವಿಜೇತರ ಪಟ್ಟಿ ಇಲ್ಲಿದೆ
ಕನ್ನಡ ಕಿರುತೆರೆಯ ರಿಯಾಲಿಟಿ ಶೋ ಬಿಗ್ಬಾಸ್ 2013ರಲ್ಲಿ ಆರಂಭಗೊಂಡಿತ್ತು. ಅಂದಿನಿಂದ ಇಂದಿನವರೆಗೂ ಬಿಗ್ಬಾಸ್ ಜನಪ್ರಿಯತೆ ಬಗ್ಗೆ ಹೇಳತೀರದು. ವಿಶೇಷ ಏನೆಂದರೆ ಸೀಸನ್ 1ರಿಂದ 11ರವರೆಗೂ ಯಶಸ್ವಿಯಾಗಿ ನಟ ಸುದೀಪ್‌ ಅವರು ಬಿಗ್ಬಾಸ್ ನಿರೂಪಣೆಯ ಸಾರಥ್ಯ ವಹಿಸಿಕೊಂಡು ಬಂದಿದ್ದಾರೆ.
ಕಿಚ್ಚ ಸುದೀಪ್‌
ಸದ್ಯ ಬಿಗ್‌ಬಾಸ್‌ನ 12ನೇ ಆವೃತ್ತಿ ಇದೇ ಸೆ.28ರಿಂದ ಆರಂಭಗೊಳ್ಳುತ್ತಿದೆ. ಹೀಗಾಗಿ ಬಿಗ್ಬಾಸ್ ತಂಡ ತೆರೆ ಮರೆಯಲ್ಲಿ ಸಕಲ ಸಿದ್ಧತೆ ಮಾಡಿಕೊಳ್ಳುತ್ತಿದ್ದಾರೆ. ಸೆ. 28ರ ಸಂಜೆ 6ಕ್ಕೆ ಈ ಬಾರಿಯ ಬಿಗ್ಬಾಸ್ 12ನೇ ಆವೃತ್ತಿಗೆ ಯಾರೆಲ್ಲಾ ಸ್ಪರ್ಧಿಗಳು ಎಂಟ್ರಿ ಕೊಡಲಿದ್ದಾರೆ ಎಂದು ಅಧಿಕೃತವಾಗಿ ಗೊತ್ತಾಗಲಿದೆ. ಇದರ ಮಧ್ಯೆ ಬಿಗ್ಬಾಸ್ 1ನೇ ಆವೃತ್ತಿಯಿಂದ 11ರವರೆಗೆ ವಿಜೇತರ ಸಂಪೂರ್ಣ ಪಟ್ಟಿ ಇಲ್ಲಿದೆ.
BBK1– ವರ್ಷ: 2013
ವಿನ್ನರ್: ನಟ ವಿಜಯ್ ರಾಘವೇಂದ್ರ
ರನ್ನರ್: ನಟ ಅರುಣ್ ಸಾಗರ್
ಬಹುಮಾನದ ಮೊತ್ತ: ₹50 ಲಕ್ಷ
ಬಿಗ್ಬಾಸ್ 1ನೇ ಆವೃತ್ತಿಯಲ್ಲಿ ಸ್ಯಾಂಡಲ್‌ವುಡ್‌ ನಟ ವಿಜಯ್ ರಾಘವೇಂದ್ರ ವಿಜೇತರಾಗಿದ್ದರು. ಇವರ ಜೊತೆಗೆ ನಟ ಅರುಣ್ ಸಾಗರ್ ರನ್ನರ್ ಅಪ್ ಆಗಿ ಹೊರಹೊಮ್ಮಿದ್ದರು.
BBK2– ವರ್ಷ: 2014
ವಿನ್ನರ್: ನಿರೂಪಕ ಅಕುಲ್ ಬಾಲಾಜಿ
ರನ್ನರ್: ನಟ, ನಿರೂಪಕ ಸೃಜನ್ ಲೋಕೇಶ್
ಬಹುಮಾನದ ಮೊತ್ತ: ₹50 ಲಕ್ಷ
ಬಿಗ್ಬಾಸ್ 2ನೇ ಆವೃತ್ತಿಯಲ್ಲಿ ನಿರೂಪಕ ಅಕುಲ್ ಬಾಲಾಜಿ ವಿಜೇತರಾಗಿದ್ದರು. ನಟ, ನಿರೂಪಕ ಸೃಜನ್ ಲೋಕೇಶ್ ರನ್ನರ್ ಅಪ್ ಆಗಿ ಹೊರಹೊಮ್ಮಿದ್ದರು.
BBK3– ವರ್ಷ: 2015
ವಿನ್ನರ್: ಹಿರಿಯ ನಟಿ ಶ್ರುತಿ
ರನ್ನರ್: ನಟ ಚಂದನ್ ಕುಮಾರ್‌
ಬಹುಮಾನದ ಮೊತ್ತ: ₹50 ಲಕ್ಷ
ಬಿಗ್ಬಾಸ್ 3ನೇ ಆವೃತ್ತಿಯಲ್ಲಿ ಕನ್ನಡ ಹಿರಿಯ ನಟಿ ಶ್ರುತಿ ಅವರು ವಿಜಯಶಾಲಿಯಾಗಿದ್ದರು. ರನ್ನರ್ ಅಪ್ ಪಟ್ಟವನ್ನು ನಟ ಚಂದನ್ ಕುಮಾರ್‌ ಗಿಟ್ಟಿಸಿಕೊಂಡಿದ್ದರು.
BBK4– ವರ್ಷ: 2016
ವಿನ್ನರ್: ‘ಒಳ್ಳೆ ಹುಡುಗ‘ ಪ್ರಥಮ್
ರನ್ನರ್: ಕಿರಿಕ್ ಕೀರ್ತಿ
ಬಹುಮಾನದ ಮೊತ್ತ: ₹50 ಲಕ್ಷ
ಬಿಗ್ಬಾಸ್ 4ನೇ ಆವೃತ್ತಿಯಲ್ಲಿ ಒಳ್ಳೆ ಹುಡುಗ ಪ್ರಥಮ್ ಗೆದ್ದಿದ್ದರು. ಕಿರಿಕ್ ಕೀರ್ತಿ ರನ್ನರ್ ಅಪ್ ಆಗಿದ್ದರು.
BBK5– ವರ್ಷ: 2017
ವಿನ್ನರ್: ಗಾಯಕ, ನಟ ಚಂದನ್ ಶೆಟ್ಟಿ
ರನ್ನರ್: ದಿವಾಕರ್
ಬಹುಮಾನದ ಮೊತ್ತ: ₹50 ಲಕ್ಷ
ಬಿಗ್ಬಾಸ್ 5ನೇ ಆವೃತ್ತಿಯಲ್ಲಿ ಖ್ಯಾತ ಗಾಯಕ, ನಟ ಚಂದನ್ ಶೆಟ್ಟಿ ವಿನ್ನರ್ ಆಗಿದ್ದರು. ರನ್ನರ್ ಅಪ್ ಆಗಿ ದಿವಾಕರ್ ಹೊರ ಹೊಮ್ಮಿದ್ದರು.
BBK6– ವರ್ಷ: 2018
ವಿನ್ನರ್: ರೈತ ಶಶಿಕುಮಾರ್
ರನ್ನರ್: ಗಾಯಕ ನವೀನ್ ಸಜ್ಜು
ಬಹುಮಾನದ ಮೊತ್ತ: ₹50 ಲಕ್ಷ
ಬಿಗ್ಬಾಸ್ 6ನೇ ಆವೃತ್ತಿಯಲ್ಲಿ ರೈತ ಶಶಿಕುಮಾರ್ ವಿಜೇತರಾಗಿದ್ದರು. ಗಾಯಕ ನವೀನ್ ಸಜ್ಜು ರನ್ನರ್ ಅಪ್ ಆಗಿದ್ದರು.
BBK7– ವರ್ಷ: 2019
ವಿನ್ನರ್: ಶೈನ್ ಶೆಟ್ಟಿ
ರನ್ನರ್: ಹಾಸ್ಯ ನಟ ಕುರಿ ಪ್ರತಾಪ್
ಬಹುಮಾನದ ಮೊತ್ತ: ₹50 ಲಕ್ಷ
ಬಿಗ್ಬಾಸ್ 7ನೇ ಆವೃತ್ತಿಯಲ್ಲಿ ಕನ್ನಡ ಕಿರುತೆರೆ ನಟ ಶೈನ್ ಶೆಟ್ಟಿ ಗೆಲುವು ಸಾಧಿಸಿದ್ದರು. ಹಾಸ್ಯ ನಟ ಕುರಿ ಪ್ರತಾಪ್ ರನ್ನರ್ ಅಪ್ ಆಗಿ ಹೊರಹೊಮ್ಮಿದ್ದರು.
BBK8– ವರ್ಷ: 2020
ವಿನ್ನರ್: ಮಂಜು ಪಾವಗಡ
ರನ್ನರ್: ಅರವಿಂದ್ ಕೆಪಿ
ಬಹುಮಾನದ ಮೊತ್ತ: ₹50 ಲಕ್ಷ
ಬಿಗ್ಬಾಸ್ 8ನೇ ಆವೃತ್ತಿಯಲ್ಲಿ ಮಜಾಭಾರತ ಖ್ಯಾತಿಯ ಮಂಜು ಪಾವಗಡ ಟ್ರೋಫಿಯನ್ನು ತಮ್ಮದಾಗಿಸಿಕೊಂಡಿದ್ದರು. ಅರವಿಂದ್ ಕೆಪಿ ಅವರು ರನ್ನರ್ ಅಪ್ ಆಗಿದ್ದರು.
BBK9– ವರ್ಷ: 2022
ವಿನ್ನರ್: ರೂಪೇಶ್ ಶೆಟ್ಟಿ
ರನ್ನರ್: ನಟ ರಾಕೇಶ್ ಅಡಿಗ
ಬಹುಮಾನದ ಮೊತ್ತ: ₹50 ಲಕ್ಷ
ಬಿಗ್ಬಾಸ್ ಒಟಿಟಿ 1ನೇ ಆವೃತ್ತಿಯಲ್ಲಿ ಭಾಗವಹಿಸಿದ್ದ ನಟ ರೂಪೇಶ್ ಶೆಟ್ಟಿ ವಿನ್ನರ್ ಆಗಿ ಹೊರಹೊಮ್ಮಿದ್ದರು. ಈ ಮೂಲಕ ಸೀಸನ್ 9ಕ್ಕೆ ಆಯ್ಕೆಯಾಗಿದ್ದರು. ಬಿಗ್ಬಾಸ್ ಸೀಸನ್ 9ರಲ್ಲೂ ರೂಪೇಶ್ ಶೆಟ್ಟಿ ವಿನ್ನರ್ ಆಗಿ ಹೊರಹೊಮ್ಮಿದ್ದರು. ನಟ ರಾಕೇಶ್ ಅಡಿಗ ರನ್ನರ್ ಅಪ್ ಆಗಿದ್ದರು.
BBK10– ವರ್ಷ: 2023
ವಿನ್ನರ್: ಕಾರ್ತಿಕ್ ಮಹೇಶ್
ರನ್ನರ್: ಡ್ರೋನ್ ಪ್ರತಾಪ್
ಬಹುಮಾನದ ಮೊತ್ತ: ₹50 ಲಕ್ಷ
ಬಿಗ್ಬಾಸ್ 10ನೇ ಆವೃತ್ತಿಯಲ್ಲಿ ನಟ ಕಾರ್ತಿಕ್ ಮಹೇಶ್ ವಿಜೇತರಾಗಿ ಹೊರಹೊಮ್ಮಿದ್ದರು. ಡ್ರೋನ್ ಪ್ರತಾಪ್ ರನ್ನರ್ ಅಪ್ ಆಗಿದ್ದರು.
BBK11– ವರ್ಷ: 2024–25
ವಿನ್ನರ್: ಹನುಮಂತ ಲಮಾಣಿ
ರನ್ನರ್: ನಟ ತ್ರಿವಿಕ್ರಮ್
ಬಹುಮಾನದ ಮೊತ್ತ: ₹50 ಲಕ್ಷ
ಬಿಗ್ಬಾಸ್ 11ನೇ ಆವೃತ್ತಿಯಲ್ಲಿ ಗಾಯಕ ಹನುಮಂತ ಲಮಾಣಿ ವಿಜೇತರಾಗಿ ಹೊರಹೊಮ್ಮಿದ್ದರು. ಕಿರುತೆರೆ ನಟ ತ್ರಿವಿಕ್ರಮ್ ರನ್ನರ್ ಅಪ್ ಆಗಿದ್ದರು.
ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್, ಎಕ್ಸ್, ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಂನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.