ಪಂಚಕುಲಾ: ಲಾಕ್ಡೌನ್ ಹೊತ್ತಲ್ಲಿ ಪೊಲೀಸರು ಹಿರಿಯ ವ್ಯಕ್ತಿಯೊಬ್ಬರ ಮನೆಯ ಗೇಟಿನ ಮುಂದೆಕೇಕ್ ತಂದು ಶುಭಕೋರುತ್ತಿರುವ ವಿಡಿಯೊ ಸಾಮಾಜಿಕ ಮಾಧ್ಯಮಗಳಲ್ಲಿ ವೈರಲ್ ಆಗಿದೆ.
ಹರಿಯಾಣದ ಪಂಚಕುಲಾದಲ್ಲಿ ಕರಣ್ ಪುರಿ ಎಂಬ ಹಿರಿಯ ವ್ಯಕ್ತಿ ಒಬ್ಬಂಟಿಯಾಗಿ ವಾಸಿಸುತ್ತಿದ್ದಾರೆ. ಅಲ್ಲಿಗೆ ಸ್ಥಳೀಯ ಪೊಲೀಸರು ಕೇಕ್ ತೆಗೆದುಕೊಂಡು ಹೋಗಿ ಹುಟ್ಟುಹಬ್ಬದ ಶುಭಾಶಯ ಕೋರಿದ್ದಾರೆ .
ಐಪಿಎಸ್ ಅಧಿಕಾರಿ ಪಂಕಜ್ ನೈನ್ ಟ್ವೀಟ್ ಮಾಡಿದ ಈ ವಿಡಿಯೊದಲ್ಲಿ ಮಹಿಳಾ ಪೊಲೀಸ್ ಅಧಿಕಾರಿಗಳು ಹಿರಿಯ ವ್ಯಕ್ತಿಯಲ್ಲಿ ಹೆಸರು ಕೇಳುತ್ತಿದ್ದಾರೆ. ಆಗ ಅಚ್ಚರಿಯಿಂದ ಮನೆಯ ಹೊರಗಡೆ ಬಂದ ಆ ವ್ಯಕ್ತಿ, ನನ್ನ ಹೆಸರು ಕರಣ್ ಪುರಿ, ನಾನು ಒಬ್ಬನೇ ವಾಸಿಸುತ್ತಿದ್ದೇನೆ. ನಾನು ಹಿರಿಯ ನಾಗರಿಕ ಎಂದು ಹೇಳುತ್ತಾರೆ. ಅವರು ಗೇಟ್ ಹತ್ತಿರ ಬರುತ್ತಿದ್ದಂತೆ ಪೊಲೀಸರೆಲ್ಲರೂ ಹ್ಯಾಪಿ ಬರ್ತ್ ಡೇ ಎಂದು ಹಾಡುತ್ತಾರೆ.
ಪಂಚಕುಲಾ ಪೊಲೀಸರ ಈ ಸರ್ಪ್ರೈಸ್ ನೋಡಿ ಆ ವ್ಯಕ್ತಿ ಭಾವುಕರಾಗುತ್ತಾರೆ. ಪರ್ವಾಗಿಲ್ಲ ಸರ್, ನಾವೂ ನಿಮ್ಮ ಕುಟುಂಬದವರೇ ಎಂದು ಪೊಲೀಸರೊಬ್ಬರು ಹೇಳುವುದು ವಿಡಿಯೊದಲ್ಲಿ ಕೇಳಿಸುತ್ತದೆ.
ಆಮೇಲೆ ಬರ್ತ್ ಡೇ ಟೋಪಿ ಹಾಕಿ, ಕೇಕ್ ಕತ್ತರಿಸಿ ಎಂದು ಹೇಳಿದಾಗ ಅವರು ಗೇಟಿನ ಬಳಿ ಬಂದು ಕೇಕ್ ಕತ್ತರಿಸುತ್ತಾರೆ.
ಪೊಲೀಸರೊಂದಿಗಿನ ಸಂವಹನ ಎಂದಿಗೂ ಭಾವನಾತ್ಮಕವಾಗಿರುತ್ತದೆ. ಅದು ಭಯ, ಸಿಟ್ಟು, ಆತಂಕ ಅಥವಾ ಕೃತಜ್ಞತೆಯೇ ಆಗಿರಲಿ.ಆದರೆ ಈ ರೀತಿ ಭಾವುಕರಾಗಿದ್ದು ನಾನು ಇಲ್ಲಿಯವರೆಗೂ ನೋಡಿಲ್ಲ ಎಂದುನೈನ್ ಟ್ವೀಟಿಸಿದ್ದಾರೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.