ಲೇಖಕ ಮನೋಜ್ ದಾಸ್ ನಿಧನ

ಪುದುಚೇರಿ: ಹೆಸರಾಂತ ದ್ವಿಭಾಷಾ ಲೇಖಕ ಮತ್ತು ಅಂಕಣಕಾರ ಮನೋಜ್ ದಾಸ್ (87) ಅವರು ವಯೋಸಹಜ ಕಾಯಿಲೆಗಳಿಂದ ಮಂಗಳವಾರ ಮೃತಪಟ್ಟರು ಎಂದು ಅರಬಿಂದೊ ಆಶ್ರಮದ ಮೂಲಗಳು ತಿಳಿಸಿವೆ.

ಮನೋಜ್ ದಾಸ್ ಅವರು ಶಿಕ್ಷಣ ಮತ್ತು ತತ್ವಶಾಸ್ತ್ರಕ್ಕೆ ನೀಡಿದ ಕೊಡುಗೆಗಳನ್ನು ಗುರುತಿಸಿ 2001ರಲ್ಲಿ ಪದ್ಮಶ್ರೀ ಹಾಗೂ 2020ರಲ್ಲಿ ಪದ್ಮಭೂಷಣ ಪುರಸ್ಕಾರ ನೀಡಿ ಗೌರವಿಸಲಾಗಿತ್ತು.

ಒರಿಯಾ ಮತ್ತು ಇಂಗ್ಲಿಷ್ ಸಾಹಿತ್ಯಕ್ಕೆ ಕೊಡುಗೆ ನೀಡಿರುವ ಮನೋಜ್ ದಾಸ್ ಅವರು ಅರಬಿಂದೊ ಆಶ್ರಮ ನಡೆಸುತ್ತಿರುವ ಅಂತರರಾಷ್ಟ್ರೀಯ ಶಿಕ್ಷಣ ಕೇಂದ್ರದಲ್ಲಿ 1963ರಿಂದ ತತ್ವಶಾಸ್ತ್ರ ಬೋಧಿಸುತ್ತಿದ್ದರು.