ಸಾಗರ ಪ್ರಯಾಣ ತರಬೇತಿ: ಚೆನ್ನೈ ತಲುಪಿದ ಜಪಾನ್ ಪಡೆಯ ‘ಇಟ್ಸುಕುಶಿಮಾ’

ನವದೆಹಲಿ: ತನ್ನ ಜಾಗತಿಕ ಸಾಗರ ಪ್ರಯಾಣ ತರಬೇತಿಯ ಭಾಗವಾಗಿ ಜಪಾನ್‌ ಕರಾವಳಿ ರಕ್ಷಣಾ ಪಡೆಯ ಹಡಗು ‘ಇಟ್ಸುಕುಶಿಮಾ’ ಸೋಮವಾರ ಚೆನ್ನೈ ಬಂದರಿಗೆ ತಲುಪಿದೆ. ಈ ವಾರಪೂರ್ತಿ ಅದು ಚೆನ್ನೈನಲ್ಲಿ ಇರಲಿದ್ದು, ಈ ವೇಳೆ ಹಲವಾರು ಸಮರಾಭ್ಯಾಸದಲ್ಲಿ ಅದು ತೊಡಗಲಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

ಈ ಸಭೆಗಳ ನಂತರ, ‘ಇಟ್ಸುಕುಶಿಮಾ’ ಭಾರತೀಯ ಕರಾವಳಿ ರಕ್ಷಣಾ ಪಡೆ (ಐಸಿಜಿ)ಯೊಂದಿಗೆ ‘ಎಕ್ಸರ್ಸೈಜ್ ಜಾ ಮಾತಾ’ (ನಂತರ ನೋಡೋಣ) ಎಂಬ ಜಂಟಿ ಸಮುದ್ರ ಸಮರಾಭ್ಯಾಸದಲ್ಲಿ ಭಾಗವಹಿಸಲಿದೆ. ಸಮುದ್ರದಲ್ಲಿ ಸಮನ್ವಯ ಸಾಧಿಸಲು ಮತ್ತು ಕಾರ್ಯಾಚರಣೆಯಲ್ಲಿ ಒಗ್ಗಟ್ಟು ಹೆಚ್ಚಿಸಲು ಈ ಸಮರಾಭ್ಯಾಸವು ನೆರವಿಗೆ ಬರಲಿದೆ ಎಂದು ಅವರು ಹೇಳಿದ್ದಾರೆ.

ಅಲ್ಲದೆ, ಐಸಿಜಿಯ ನಾಲ್ವರು ಅಧಿಕಾರಿಗಳು ಸಿಂಗಾಪುರಕ್ಕೆ ಹೋಗುವ ಸಮಯದಲ್ಲಿ ‘ಇಟ್ಸುಕುಶಿಮಾ’ದಲ್ಲಿ ಸೀ ರೈಡರ್‌ಗಳಾಗಿ ಪ್ರಯಾಣಿಸುತ್ತಾರೆ. ಇದು ಎರಡೂ ಪಡೆಗಳ ನಡುವಿನ ಸೌಹಾರ್ದ ಮತ್ತು ವೃತ್ತಿಪರ ವಿನಿಮಯವನ್ನು ಮತ್ತಷ್ಟು ಬಲಪಡಿಸುತ್ತದೆ ಎಂದು ಐಸಿಜಿ ತಿಳಿಸಿದೆ.