‘ಕಾಶ್ಮೀರಕ್ಕೆ ಲಂಕಾ ದಾಳಿಕೋರರ ಭೇಟಿ ಮಾಹಿತಿ ಇಲ್ಲ’

ಶ್ರೀನಗರ: ‘ಶ್ರೀಲಂಕಾದಲ್ಲಿ ಈಸ್ಟರ್‌ ಭಾನುವಾರ ಆತ್ಮಾಹುತಿ ದಾಳಿ ನಡೆಸಿರುವವರು ಜಮ್ಮುಕಾಶ್ಮೀರಕ್ಕೆ ಭೇಟಿ ನೀಡಿರುವ ಬಗ್ಗೆ ಯಾವುದೇ ದಾಖಲೆಗಳಿಲ್ಲ’ ಎಂದು ಜಮ್ಮು ಕಾಶ್ಮೀರದ ಪೊಲೀಸ್‌ ಮುಖ್ಯಸ್ಥ ದಿಲ್‌ಬಾಗ್‌ ಸಿಂಗ್‌ ಭಾನುವಾರ ಹೇಳಿದ್ದಾರೆ.

‘ಈ ಕುರಿತು ಶ್ರೀಲಂಕಾದಿಂದ ಯಾವುದೇ ಮಾಹಿತಿ ನಮಗೆ ಲಭಿಸಿಲ್ಲ. ಅಲ್ಲದೇ, ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿರುವ ಹೆಸರುಳ್ಳ ವ್ಯಕ್ತಿಗಳು ಕಾಶ್ಮೀರಕ್ಕೆ ಭೇಟಿ ನೀಡಿಲ್ಲ’ ಎಂದು ಅವರು ಹೇಳಿದ್ದಾರೆ.

‘ಲಂಕಾದಲ್ಲಿ ಆತ್ಮಾಹುತಿ ದಾಳಿ ನಡೆಸಿರುವವರು ಜಮ್ಮುಕಾಶ್ಮೀರ, ಕೇರಳ ಹಾಗೂ ಬೆಂಗಳೂರಿಗೆ ಭೇಟಿ ನೀಡಿದ್ದರು’ ಎಂದು ಶ್ರೀಲಂಕಾದ ಸೇನಾ ಮುಖ್ಯಸ್ಥ ಮಹೇಶ ಸೇನಾನಾಯಕೆ ಶನಿವಾರ ಹೇಳಿದ್ದರು.