ಕೋವಿಡ್‌: ಚೀನಾದ ದಿಕ್ಕಿನಿಂದ ಮೌಂಟ್‌ ಎವರೆಸ್ಟ್ ಚಾರಣ ರದ್ದು
ಬಿಜೀಂಗ್‌: ನೇಪಾಳದಲ್ಲಿ ಕೋವಿಡ್‌–19ರ ಸೋಂಕು ತೀವ್ರವಾಗುತ್ತಿರುವ ಹಿನ್ನೆಲೆಯಲ್ಲಿ ಚೀನಾವು ತನ್ನ ದಿಕ್ಕಿನಿಂದ ಮೌಂಟ್‌ ಎವರೆಸ್ಟ್ ಚಾರಣವನ್ನು ರದ್ದುಗೊಳಿಸಿದೆ.
ಈ ಬಗ್ಗೆ ಚೀನಾದ ಕ್ರೀಡಾ ಇಲಾಖೆ ಪ್ರಕಟಣೆ ಬಿಡುಗಡೆ ಮಾಡಿದೆ ಎಂದು ಕ್ಸಿನುವಾ ಸುದ್ದಿ ಸಂಸ್ಥೆ ವರದಿ ಮಾಡಿದೆ.
ಈ ಋತುವಿನಲ್ಲಿ ಚೀನಾವು ತನ್ನ ದಿಕ್ಕಿನಿಂದ ಮೌಂಟ್‌ ಎವರೆಸ್ಟ್ ಏರಲು ಕೇವಲ 38 ಚೀನಿಯರಿಗೆ ಅನುಮತಿ ನೀಡಿತ್ತು. ಆದರೆ ನೇಪಾಳವು 408 ಜನರಿಗೆ ಅನುಮತಿಯನ್ನು ನೀಡಿತ್ತು. ಕಳೆದ ವರ್ಷ ಕೋವಿಡ್‌ ಸಾಂಕ್ರಾಮಿಕದಿಂದಾಗಿ ಎರಡೂ ದೇಶಗಳು ಮೌಂಟ್‌ ಎವರೆಸ್ಟ್ ಪರ್ವತರೋಹಣವನ್ನು ರದ್ದುಗೊಳಿಸಿದ್ದವು.
ನೇಪಾಳದ ಕಡೆಯಿಂದ ಎವರೆಸ್ಟ್ ಪರ್ವತಾರೋಹಣ ಮಾಡುತ್ತಿದ್ದ ಕೆಲವರಲ್ಲಿ ಕೋವಿಡ್‌–19 ಸೋಂಕು ದೃಢಪಟ್ಟಿತ್ತು. ಇತ್ತೀಚೆಗಷ್ಟೇ ನೇಪಾಳ ಕಡೆಯಿಂದ ಪರ್ವತಾರೋಹಣ ಮಾಡುತ್ತಿದ್ದ ಸ್ವಿಸ್‌ ಮತ್ತು ಅಮೆರಿಕದ ತಲಾ ಒಬ್ಬರು ಪ್ರಜೆಗಳು ಅಸುನೀಗಿದ್ದರು.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.