ಝೆಲೆನ್‌ಸ್ಕಿ ಹತ್ಯೆ ಸಂಚು: ಪೋಲೆಂಡ್ ವ್ಯಕ್ತಿ ವಿರುದ್ಧ ದೋಷಾರೋಪ

ವಾರ್ಸಾ: ಉಕ್ರೇನ್‌ ಅಧ್ಯಕ್ಷ ವೊಲೊಡಿಮಿರ್‌ ಝೆಲೆನ್‌ಸ್ಕಿ ಅವರ ಹತ್ಯೆ ಯತ್ನಕ್ಕೆ ಸಂಚು ರೂಪಿಸಲು ರಷ್ಯಾದ ವಿದೇಶಿ ಗುಪ್ತಚರ ಸಂಸ್ಥೆಗೆ ಸಹಾಯ ಮಾಡಿದ ಪೋಲೆಂಡ್‌ ವ್ಯಕ್ತಿಯೊಬ್ಬನ ವಿರುದ್ಧ ಇಲ್ಲಿನ ಅಧಿಕಾರಿಗಳು ದೋಷಾರೋಪ ಹೊರಿಸಿದ್ದಾರೆ ಎಂದು ಮಂಗಳವಾರ ಪ್ರಾಸಿಕ್ಯೂಟರ್‌ಗಳು ತಿಳಿಸಿದ್ದಾರೆ.

ಸಂಚಿನ ಭಾಗವಾಗಿದ್ದ ವ್ಯಕ್ತಿಯನ್ನು ಪಾವೆಲ್ ಕೆ. ಎಂದು ಗುರುತಿಸಲಾಗಿದ್ದು, ಪೋಲೆಂಡ್ ಮತ್ತು ಉಕ್ರೇನ್‌ ಪ್ರಾಸಿಕ್ಯೂಟರ್‌ಗಳ ಸಹಕಾರದೊಂದಿಗೆ ಈತನನ್ನು 2024ರ ಏಪ್ರಿಲ್‌ನಲ್ಲಿ ಬಂಧಿಸಲಾಗಿತ್ತು. ಬಂಧಿತನಿಗೆ 8 ವರ್ಷ ಜೈಲು ಶಿಕ್ಷೆ ವಿಧಿಸುವ ಅವಕಾಶಗಳಿವೆ.