ಭಾರತ್ ರತ್ನ ಅಭಿಯಾನ ನಿಲ್ಲಿಸಿ: ರತನ್ ಟಾಟಾ

ಮುಂಬೈ: ತಮಗೆ ಅತ್ಯುನ್ನತ ನಾಗರಿಕ ಗೌರವವಾದ ಭಾರತ್ ರತ್ನ ನೀಡುವಂತೆ ಕೋರಿ ಸೋಷಿಯಲ್ ಮೀಡಿಯಾದಲ್ಲಿ ನಡೆಸುತ್ತಿರುವ ಪ್ರಚಾರವನ್ನು ಕೈಬಿಡುವಂತೆ ಉದ್ಯಮಿ ರತನ್ ಟಾಟಾ ಅವರು ನೆಟಿಜನ್‌ರನ್ನು ಕೇಳಿಕೊಂಡಿದ್ದಾರೆ.

ಪ್ರಶಸ್ತಿಯ ವಿಷಯದಲ್ಲಿ ಸಾಮಾಜಿಕ ಮಾಧ್ಯಮದ ಒಂದು ಭಾಗವು ವ್ಯಕ್ತಪಡಿಸಿದ ಭಾವನೆಗಳನ್ನು ನಾನು ಪ್ರಶಂಸಿಸುತ್ತಿದ್ದರೂ, ಅಂತಹ ಅಭಿಯಾನಗಳನ್ನು ನಿಲ್ಲಿಸಬೇಕೆಂದು ವಿನಮ್ರವಾಗಿ ವಿನಂತಿಸುತ್ತೇನೆ ಎಂದು ರತನ್ ಟಾಟಾ ಅವರು ಸಹಿ ಮಾಡಿರುವ ಹೇಳಿಕೆಯನ್ನು ಟ್ವೀಟ್ ಮಾಡಲಾಗಿದೆ.

ಇದನ್ನೂ ಓದಿ:ಸಾಮಾಜಿಕ ಮಾಧ್ಯಮ ನೀತಿ ಕುರಿತು ಫೇಸ್‌ಬುಕ್‌ ಅನ್ನು ಟೀಕಿಸಿದ ಟಿಮ್ ಕುಕ್

ರತನ್ ಟಾಟಾ ಅವರಿಗೆ ಭಾರತ್ ರತ್ನ ನೀಡುವಂತೆ ಡಾ. ವಿವೇಕ್ ಬಿಂದ್ರಾ ಅವರು ಟ್ವೀಟ್ ಮಾಡಿ, ರಾಷ್ಟ್ರಪತಿ ಭವನ, ಪ್ರಧಾನಿ ಕಚೇರಿ ಮತ್ತು ನರೇಂದ್ರ ಮೋದಿ ಅವರನ್ನು ಟ್ಯಾಗ್ ಮಾಡಿದ ಬಳಿಕ ಸಾಮಾಜಿಕ ಜಾಲತಾಣಗಳಲ್ಲಿ ಆ ಕುರಿತು ಅಭಿಯಾನ ಜೋರಾಗಿದೆ.