ಹಾಲುಣಿಸುವ ಸ್ವಾತಂತ್ರ್ಯ: ಮಗನ ಜತೆ ಫೋಟೊ ಪೋಸ್ಟ್ ಮಾಡಿದ ನೇಹಾ ಧೂಪಿಯಾ
ಬೆಂಗಳೂರು: ಸ್ತನ್ಯಪಾನ ಕುರಿತು ಜಾಗೃತಿ ಮತ್ತು ಅಗತ್ಯತೆ ಕುರಿತು ಹೇಳಿಕೆ ನೀಡುವ ಮೂಲಕ ಅರಿವು ಮೂಡಿಸುತ್ತಿದ್ದ ನಟಿ ನೇಹಾ ಧೂಪಿಯಾ, ಈ ಬಾರಿ ಸ್ವತಃ ಪುತ್ರನಿಗೆ ಹಾಲುಣಿಸುತ್ತಿರುವ ಫೋಟೊ ಪೋಸ್ಟ್ ಮಾಡಿದ್ದಾರೆ.
‘ಫ್ರೀಡಂ ಟು ಫೀಡ್’ ಎನ್ನುವ ಘೋಷವಾಕ್ಯದೊಂದಿಗೆ ನಟಿ ನೇಹಾ ಧೂಪಿಯಾ, ಅಂತರರಾಷ್ಟ್ರೀಯ ಸ್ಯನ್ತಪಾನ ವಾರ ಎನ್ನುವ ಅಭಿಯಾನವನ್ನು ಆರಂಭಿಸಿದ್ದರು.
ಮಗುವಿಗೆ ಹಾಲುಣಿಸುವ ತಾಯಿಯ ಹಕ್ಕು ಮತ್ತು ಅದರ ಅಗತ್ಯತೆ ಹಾಗೂ ಕೆಲಸದ ಸ್ಥಳಗಳಲ್ಲಿ ಮಗುವಿನ ಪಾಲನೆಗೆ ಸೂಕ್ತ ಅವಕಾಶ, ಆದ್ಯತೆ ನೀಡುವುದನ್ನು ಕಂಪನಿಗಳು, ಉದ್ಯೋಗದಾತರು ಪರಿಗಣಿಸಬೇಕು ಎನ್ನುವುದನ್ನು ಈ ಅಭಿಯಾನದ ಮೂಲಕ ಸಾರಲಾಗಿತ್ತು.
ನೇಹಾ ಧೂಪಿಯಾ ಮತ್ತು ಅಂಗದ್ ಬೇಡಿ ದಂಪತಿಗೆ ಅಕ್ಟೋಬರ್ 3ರಂದು ಗಂಡು ಮಗುವಿನ ಜನನವಾಗಿದೆ.
ಈ ಮೊದಲು ಹೆಣ್ಣು ಮಗುವಿನ ತಾಯಿಯಾದ ಸಂದರ್ಭದಲ್ಲೂ ನೇಹಾ, ಸ್ತನ್ಯಪಾನದ ಕುರಿತು ವಿವಿಧ ಪೋಸ್ಟ್ ಹಂಚಿಕೊಂಡಿದ್ದರು.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.