ಬೆಂಗಳೂರು: ದಿಗಂತ್ ಜತೆ ಮದುವೆಯ ಬಳಿಕ ನಟಿ ಐಂದ್ರಿತಾ ರೇ ಅವರು ಚಿತ್ರಗಳಲ್ಲಿ ನಟಿಸುವುದು ಕಡಿಮೆಯಾಗಿದೆ.
ಆದರೆ ಐಂದ್ರಿತಾ ರೇ ಮತ್ತು ದಿಗಂತ್ ಇಬ್ಬರೂ ಸಾಮಾಜಿಕ ತಾಣಗಳಲ್ಲಿ ಸದಾ ಕ್ರಿಯಾಶೀಲರಾಗಿರುತ್ತಾರೆ.
ಪ್ರವಾಸ ಹೋಗುವುದು, ಮುದ್ದಿನ ನಾಯಿಗಳ ಜತೆ ಸಮಯ ಕಳೆಯುವುದು ಮತ್ತು ಸೈಕ್ಲಿಂಗ್ ಹಾಗೂ ಸಾಹಸಮಯ ಕ್ರೀಡೆಗಳೆಂದರೆ ಇಬ್ಬರಿಗೂ ಅಚ್ಚುಮೆಚ್ಚು.
ಈ ರೀತಿ ಪ್ರವಾಸ ಹೋದಾಗ ಕಡಲ ತೀರದಲ್ಲಿ ಸಂಜೆ ಕಳೆದಿದ್ದನ್ನು ನಟಿ ಐಂದ್ರಿತಾ ರೇ ನೆನಪಿಸಿಕೊಂಡಿದ್ದಾರೆ.
ಸುಂದರ ಸೂರ್ಯಾಸ್ತದ ಹಿನ್ನೆಲೆಯಿರುವ ಫೋಟೊ ಒಂದನ್ನು ಅವರು ಇನ್ಸ್ಟಾಗ್ರಾಂನಲ್ಲಿ ಪೋಸ್ಟ್ ಮಾಡಿದ್ದು, ಬೀಚ್ನ ಸಂಜೆ ಎನ್ನುವುದು ಸುಂದರ ಅನುಭವ. ಮತ್ತೊಮ್ಮೆ ಹೋಗಬೇಕೆನ್ನಿಸುತ್ತಿದೆ.. ಎಂದು ಹೇಳಿಕೊಂಡಿದ್ದಾರೆ.
ಐಂದ್ರಿತಾ ಅಭಿಮಾನಿಗಳು ಕಾಮೆಂಟ್ ಮೂಲಕ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.