ಕೊನೆಗೂ ಕತ್ರೀನಾ ಮೆಹಂದಿಯಲ್ಲಿ ವಿಕ್ಕಿ ಹೆಸರು ಹುಡುಕಿದ ಅಭಿಮಾನಿಗಳು!
ಬೆಂಗಳೂರು: ನವದಂಪತಿ ಕತ್ರೀನಾ ಕೈಫ್ ಮತ್ತು ವಿಕ್ಕಿ ಕೌಶಲ್ ಮದುವೆ ಬಳಿಕ ಮುಂಬೈನ ಹೊಸಮನೆಗೆ ಸ್ಥಳಾಂತರವಾಗಿದ್ದಾರೆ.
ಈ ಜೋಡಿಯ ಕುರಿತು ಸಾಮಾಜಿಕ ತಾಣಗಳಲ್ಲಿ ವಿವಿಧ ರೀತಿಯ ಚರ್ಚೆಗಳು ನಡೆಯುತ್ತಲೇ ಇವೆ.
ಕತ್ರೀನಾ ಕೈಫ್ ಇತ್ತೀಚೆಗೆ ತಮ್ಮ ಇನ್‌ಸ್ಟಾಗ್ರಾಮ್ ಖಾತೆಯಲ್ಲಿ ಮೆಹಂದಿ ಫೋಟೊ ಹಂಚಿಕೊಂಡಿದ್ದರು.
ಅದರಲ್ಲಿ ವಿಕ್ಕಿ ಕೌಶಲ್ ಹೆಸರು ಇರಬಹುದು ಎಂದು ಅಭಿಮಾನಿಗಳು ಹುಡುಕಾಟ ನಡೆಸಿದ್ದರು. ಅಲ್ಲದೆ, ಬಹಳಷ್ಟು ಮಂದಿ ಕಾಮೆಂಟ್ ಮಾಡಿ, ಅದರಲ್ಲಿ ವಿಕ್ಕಿ ಹೆಸರು ಎಲ್ಲಿದೆ ಎಂದು ಪ್ರಶ್ನಿಸಿದ್ದರು.
ಕೊನೆಗೂ ಅಭಿಮಾನಿಗಳು ಕತ್ರೀನಾ ಅವರ ಮೆಹಂದಿಯಲ್ಲಿ ವಿಕ್ಕಿ ಹೆಸರು ಹುಡುಕಿದ್ದಾರೆ.
ಬಲಗೈನ ಉಂಗುರ ಬೆರಳಿನಲ್ಲಿ ಚಿಕ್ಕದಾಗಿ ವಿಕ್ಕಿ ಹೆಸರಿನ ಅಕ್ಷರಗಳನ್ನು ಮೆಹಂದಿಯಲ್ಲಿ ಮೂಡಿಸಲಾಗಿದೆ.
ವಿಕ್ಕಿ ಕೌಶಲ್ ಮತ್ತು ಕತ್ರೀನಾ ಕೈಫ್ ಮದುವೆ ಡಿಸೆಂಬರ್ 9ರಂದು ರಾಜಸ್ಥಾನದಲ್ಲಿ ನಡೆದಿತ್ತು.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.