ಜೀರ್ಣಕ್ರಿಯೆ: ಆಯುರ್ವೇದದ ಪ್ರಕಾರ ಕಾಲಕ್ಕೆ ತಕ್ಕಂತೆ ಸೇವಿಸಬೇಕಾದ ಆಹಾರಗಳಿವು

ನಾವು ಸೇವಿಸಿದ ಆಹಾರವನ್ನು ಜಠರ ಜೀರ್ಣಿಸುತ್ತದೆ. ಆಯುರ್ವೇದದ ಪ್ರಕಾರ ಋತುಗಳಿಗೆ ಅನುಗುಣವಾಗಿ ಆಹಾರ ಸೇವಿಸಿದರೆ ನಮ್ಮ ಜೀರ್ಣಾಂಗ ವ್ಯವಸ್ಥೆ ಸರಿಯಾಗಿರುತ್ತದೆ. ಹಾಗಿದ್ದರೆ, ಯಾವ ಋತುಗಳಲ್ಲಿ ಯಾವ ಆಹಾರ ಸೇವಿಸಬೇಕು ಎಂಬುದನ್ನು ತಿಳಿಯೋಣ.

ಶಿಶಿರ ಋತು (ಚಳಿಗಾಲದ ಅಂತ್ಯ: ಜನವರಿ ಮಧ್ಯದಿಂದ ಮಾರ್ಚ್ ಮಧ್ಯದವರೆಗೆ):

ಆಹಾರ ಮತ್ತು ಜೀವನಶೈಲಿ ಶಿಫಾರಸ್ಸು : ತುಪ್ಪ, ಹಾಲು, ನಟ್ಸ್‌ , ಧಾನ್ಯಗಳಂತಹ ಬೆಚ್ಚಗಿನ, ಪೌಷ್ಟಿಕ ಹಾಗೂ ಎಣ್ಣೆಯುಕ್ತ ಆಹಾರಗಳನ್ನು ಸೇವಿಸಿ. ಶುಂಠಿ, ಕರಿಮೆಣಸು, ದಾಲ್ಚಿನ್ನಿ ಹಾಗೂ ಲವಂಗಗಳಂತಹ ಬಿಸಿ ಮಸಾಲೆಗಳನ್ನು ಆಹಾರದಲ್ಲಿ ಬಳಕೆ ಮಾಡಿ.

ತಪ್ಪಿಸಿ: ಶೀತ, ಒಣ ಮತ್ತು ಕಚ್ಚಾ ಆಹಾರ ಸೇವನೆ ತಪ್ಪಿಸಿ.

ವಸಂತ ಋತು (ವಸಂತ: ಮಾರ್ಚ್ ಮಧ್ಯದಿಂದ ಮೇ ಮಧ್ಯದವರೆಗೆ):

ಆಹಾರ ಮತ್ತು ಜೀವನಶೈಲಿ ಶಿಫಾರಸ್ಸು: ಹಸಿರು ತರಕಾರಿ , ಬಾರ್ಲಿ, ಜೇನುತುಪ್ಪ, ಕಹಿ ಮತ್ತು ಖಾರವುಳ್ಳ ಆಹಾರ ಸೇವಿಸಿ.

ತಪ್ಪಿಸಿ: ಕಫ ಹೆಚ್ಚಿಸುವ ಎಣ್ಣೆಯುಕ್ತ ಮತ್ತು ಹಾಲು ಉತ್ಪನ್ನಗಳನ್ನು ಸೇವಿಸಬೇಡಿ.

ಗ್ರಿಷ್ಮ ಋತು (ಬೇಸಿಗೆ: ಮೇ ಮಧ್ಯದಿಂದ ಜುಲೈ ಮಧ್ಯದವರೆಗೆ):

ಆಹಾರ ಮತ್ತು ಜೀವನಶೈಲಿ ಶಿಫಾರಸ್ಸು: ತಾಜಾ ಹಣ್ಣು, ಸೌತೆಕಾಯಿ, ಎಳನೀರು ಮತ್ತು ಮಜ್ಜಿಗೆಯಂತಹ ತಂಪಾಗಿಸುವ ಆಹಾರಗಳನ್ನು ಸೇವಿಸುವುದು ಉತ್ತಮ

ತಪ್ಪಿಸಿ: ಪಿತ್ತ ಉಲ್ಬಣಗೊಳಿಸುವ ಮಸಾಲೆಯುಕ್ತ, ಹುರಿದ ಮತ್ತು ಅತಿಯಾಗಿ ಉಪ್ಪು ಸೇರಿಸಿದ ಆಹಾರ ಸೇವನೆ ತಪ್ಪಿಸುವುದು ಉತ್ತಮ.

ವರ್ಷ ಋತು (ಮಳೆಗಾಲ: ಜುಲೈ ಮಧ್ಯದಿಂದ ಸೆಪ್ಟೆಂಬರ್ ಮಧ್ಯದವರೆಗೆ):

ಆಹಾರ ಮತ್ತು ಜೀವನಶೈಲಿ ಶಿಫಾರಸ್ಸು: ಸೂಪ್, ಗಿಡಮೂಲಿಕೆಯ ಚಹಾಗಳಂತಹ ಬೆಚ್ಚಗಿನ ಆಹಾರ ಹಾಗೂ ಸುಲಭವಾಗಿ ಜೀರ್ಣವಾಗುವ ಆಹಾರಗಳನ್ನು ಸೇವಿಸಿ.

ಶರದ್ ಋತು (ಶರತ್ಕಾಲ: ಸೆಪ್ಟೆಂಬರ್ ಮಧ್ಯದಿಂದ ನವೆಂಬರ್ ಮಧ್ಯದವರೆಗೆ):

ಆಹಾರ ಮತ್ತು ಜೀವನಶೈಲಿ ಶಿಫಾರಸ್ಸು: ದಾಳಿಂಬೆ, ಸೊಪ್ಪು ಮತ್ತು ತುಪ್ಪ ಸೇವಿಸುವುದು ಉತ್ತಮ.

ತಪ್ಪಿಸಿ: ಮಸಾಲೆಯುಕ್ತ ಹಾಗೂ ಹುಳಿಯುಕ್ತ ಆಹಾರ ಸೇವನೆ ತಪ್ಪಿಸಿ.

ಹೇಮಂತ ಋತು (ಚಳಿಗಾಲದ ಆರಂಭ: ನವೆಂಬರ್ ಮಧ್ಯದಿಂದ ಜನವರಿ ಮಧ್ಯದವರೆಗೆ):

ಆಹಾರ ಮತ್ತು ಜೀವನಶೈಲಿ ಶಿಫಾರಸ್ಸು: ನಟ್ಸ್‌, ಹಾಲಿನ ಉತ್ಪನ್ನ, ಮಾಂಸ ಮತ್ತು ಧಾನ್ಯಗಳಂತಹ ಪೋಷಕಾಂಶಗಳು ಸಮೃದ್ಧವಾಗಿರುವ ಆಹಾರಗಳನ್ನು ಸೇವಿಸಿ. ಅರಿಶಿನ, ದಾಲ್ಚಿನ್ನಿ ಮತ್ತು ಜಾಕಾಯಿಯಂತಹ ಬೆಚ್ಚಗಿನ ಮಸಾಲೆಗಳನ್ನು ಬಳಸಿ. ಚಯಾಪಚಯ ಕ್ರಿಯೆಗೆ ಸಹಕಾರಿಯಾಗುವ ವ್ಯಾಯಾಮಗಳಲ್ಲಿ ತೊಡಗಿಸಿಕೊಳ್ಳಿ.

ತಪ್ಪಿಸಿ: ಎಣ್ಣೆಯಲ್ಲಿ ಹುರಿದ ಪಾದರ್ಥ, ಅತಿಯಾಗಿ ತಣ್ಣಗಿರುವ ಆಹಾರ ಹಾಗೂ ಮೊಸರನ್ನು ಸೇವಿಸಬೇಡಿ.

(ಡಾ. ಶಶಿಧರ ಗೋಪಾಲಕೃಷ್ಣ, ಮೆಡಿಕಲ್‌ ಸೂಪರ್ಡೆಂಟ್‌, ಅಪೋಲೊ ಆಯುರ್ವೇದ ಆಸ್ಪತ್ರೆ)