ಏಕದಿನ ಕ್ರಿಕೆಟ್‌ ರ‍್ಯಾಂಕಿಂಗ್‌: ಅಗ್ರಸ್ಥಾನಕ್ಕೆ ಭಾರತ

ಮ್ಯಾಂಚೆಸ್ಟರ್‌: ಭಾರತ ಏಕದಿನ ಕ್ರಿಕೆಟ್‌ ಕ್ರಮಾಂಕ ಪಟ್ಟಿಯಲ್ಲಿ ಗುರುವಾರ ಅಗ್ರಸ್ಥಾನಕ್ಕೇರಿದೆ. ಇದುವರೆಗೆ ಅಗ್ರಸ್ಥಾನದಲ್ಲಿದ್ದ ಇಂಗ್ಲೆಂಡ್‌, ಭಾರತ ವಿರುದ್ಧದ ವಿಶ್ವಕಪ್‌ ಪಂದ್ಯಕ್ಕೆ ಮೂರು ದಿನಗಳು ಉಳಿದಿರುವಂತೆ ಎರಡನೇ ಸ್ಥಾನಕ್ಕಿಳಿದಿದೆ.

ಐಸಿಸಿ ಬಿಡುಗಡೆ ಮಾಡಿರುವ ತಾಜಾ ರ‍್ಯಾಂಕಿಂಗ್ ಪಟ್ಟಿಯಲ್ಲಿ ಭಾರತ 123 ಪಾಯಿಂಟ್‌ ಗಳಿಸಿದೆ. ಇಂಗ್ಲೆಂಡ್‌ 122 ಮತ್ತು ನ್ಯೂಜಿಲೆಂಡ್‌ 114 ಪಾಯಿಂಟ್‌ಗಳೊಡನೆ ಮೂರನೇ ಸ್ಥಾನದಲ್ಲಿವೆ. ವಿಶ್ವಕಪ್‌ ಸೆಮಿಫೈನಲ್‌ಗೆ ಪ್ರವೇಶ ಪಡೆದ ಮೊದಲ ತಂಡವೆನಿಸಿರುವ ಆಸ್ಟ್ರೇಲಿಯಾ 112 ಪಾಯಿಂಟ್‌ಗಳೊಡನೆ ನಾಲ್ಕನೇ ಸ್ಥಾನದಲ್ಲಿದೆ.

ಭಾರತ ಮತ್ತು ಇಂಗ್ಲೆಂಡ್‌ ತಂಡಗಳು ಜೂನ್‌ 30ರಂದು ಬರ್ಮಿಂಗ್‌ನಲ್ಲಿ ಎದುರಾಳಿಗಳಾಗಿವೆ.