IND vs SA Odi: ಸತತ 19ನೇ ಪಂದ್ಯದಲ್ಲೂ ಟಾಸ್‌ ಸೋತ ಭಾರತ; ರೋಹಿತ್–ವಿರಾಟ್ ವಾಪಸ್
ಟಾಸ್‌ ವೇಳೆ ದಕ್ಷಿಣ ಆಫ್ರಿಕಾ ನಾಯಕ ಏಡನ್‌ ಮರ್ಕರಂ ಹಾಗೂ ಭಾರತ ತಂಡದ ನಾಯಕ ಕೆ.ಎಲ್. ರಾಹುಲ್
ಕೃಪೆ: @bcci
ರಾಂಚಿ: ಆತಿಥೇಯ ಭಾರತ ವಿರುದ್ಧದ ಏಕದಿನ ಕ್ರಿಕೆಟ್ ಸರಣಿಯ ಮೊದಲ ಪಂದ್ಯದಲ್ಲಿ ಟಾಸ್‌ ಗೆದ್ದಿರುವ ದಕ್ಷಿಣ ಆಫ್ರಿಕಾ, ಬೌಲಿಂಗ್‌ ಆಯ್ದುಕೊಂಡಿದೆ.
ಜಾರ್ಖಂಡ್‌ ರಾಜ್ಯ ಕ್ರಿಕೆಟ್ ಸಂಸ್ಥೆ ಕ್ರೀಡಾಂಗಣದಲ್ಲಿ ಪಂದ್ಯ ನಡೆಯುತ್ತಿದೆ. ಸೂಪರ್‌ಸ್ಟಾರ್‌ ಆಟಗಾರರಾದ ರೋಹಿತ್ ಶರ್ಮಾ ಹಾಗೂ ವಿರಾಟ್ ಕೊಹ್ಲಿ ಅವರು ಟೀಂ ಇಂಡಿಯಾ ಪರ ಕಣಕ್ಕಿಳಿದಿದ್ದಾರೆ.
ಎರಡು ಪಂದ್ಯಗಳ ಟೆಸ್ಟ್‌ ಸರಣಿಯಲ್ಲಿ ವೈಟ್‌ವಾಷ್‌ ಮುಖಭಂಗ ಅನುಭವಿಸಿರುವ ಭಾರತ, ಏಕದಿನ ಸರಣಿಯಲ್ಲಿ ತಿರುಗೇಟು ನೀಡುವ ಯೋಜನೆಯಲ್ಲಿದೆ. ಆದರೆ, ಟೆಸ್ಟ್‌ ಸರಣಿ ಜಯದ ಲಯವನ್ನು ಮುಂದುವರಿಸುವ ತವಕದಲ್ಲಿ ಪ್ರವಾಸಿ ಪಡೆ ಇದೆ.
ಟೀಂ ಇಂಡಿಯಾ ನಾಯಕ ಶುಭಮನ್‌ ಗಿಲ್‌ ಗಾಯಗೊಂಡಿರುವುದರಿಂದ, ಅವರ ಅನುಪಸ್ಥಿತಿಯಲ್ಲಿ ಕನ್ನಡಿಗ ಕೆ.ಎಲ್. ರಾಹುಲ್ ತಂಡ ಮುನ್ನಡೆಸುತ್ತಿದ್ದಾರೆ. ಹರಿಣಗಳ ಪಡೆಯ ನಾಯಕ ತೆಂಬಾ ಬವುಮಾಗೆ ವಿಶ್ರಾಂತಿ ನೀಡಲಾಗಿದ್ದು, ಏಡನ್‌ ಮರ್ಕರಂ ತಂಡದ ಹೊಣೆ ಹೊತ್ತಿದ್ದಾರೆ.
ತಂಡಕ್ಕೆ ಮರಳಿದ ಋತುರಾಜ್
2023ರ ಡಿಸೆಂಬರ್‌ನಲ್ಲಿ ಕೊನೆಯ ಸಲ ಭಾರತ ತಂಡದಲ್ಲಿ ಆಡಿದ್ದ ಋತುರಾಜ್ ಗಾಯಕ್ವಾಡ್‌ ಅವರು ತಂಡಕ್ಕೆ ಮರಳಿದ್ದಾರೆ. ಗಾಯಗೊಂಡಿರುವ ಶ್ರೇಯಸ್‌ ಅಯ್ಯರ್‌ ಬದಲು ನಾಲ್ಕನೇ ಕ್ರಮಾಂಕದಲ್ಲಿ ಆಡಲಿದ್ದಾರೆ.
ಹನ್ನೊಂದರ ಬಳಗ
ಭಾರತ: ರೋಹಿತ್ ಶರ್ಮಾ, ಯಶಸ್ವಿ ಜೈಸ್ವಾಲ್, ವಿರಾಟ್ ಕೊಹ್ಲಿ, ಋತುರಾಜ್ ಗಾಯಕ್ವಾಡ್‌, ವಾಷಿಂಗ್ಟನ್‌ ಸುಂದರ್, ಕೆ.ಎಲ್. ರಾಹುಲ್ (ನಾಯಕ), ರವೀಂದ್ರ ಜಡೇಜ, ಹರ್ಷಿತ್‌ ರಾಣಾ, ಕುಲದೀಪ್ ಯಾದವ್, ಅರ್ಶದೀಪ್‌ ಸಿಂಗ್‌, ಪ್ರಸಿದ್ಧ ಕೃಷ್ಣ
ದಕ್ಷಿಣ ಆಫ್ರಿಕಾ: ರಿಯಾನ್ ರಿಕೆಲ್ಟನ್‌, ಕ್ವಿಂಟನ್‌ ಡಿ ಕಾಕ್‌, ಏಡನ್‌ ಮರ್ಕ್ರರಂ (ನಾಯಕ), ಮ್ಯಾಥ್ಯೂ ಬ್ರೀಜ್‌ಕೆ, ಟೋನಿ ಡಿ ಜಾರ್ಝಿ, ಡೆವಾಲ್ಡ್‌ ಬ್ರೆವಸ್‌, ಮಾರ್ಕೊ ಯಾನ್ಸನ್‌, ಕಾರ್ಬಿನ್‌ ಬಾಷ್, ಪ್ರೆನೆಲಾನ್‌ ಸುಬ್ರಾಯನ್‌, ನಾಂದ್ರೆ ಬರ್ಗರ್, ಒಟ್ಟೆನೀಲ್ ಬಾರ್ಟ್‌ಮನ್‌
ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್, ಎಕ್ಸ್, ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಂನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.