Apple | 48 ಮೆಗಾಪಿಕ್ಸೆಲ್ ಕ್ಯಾಮೆರಾ ಹೊಂದಿರಲಿದೆ ಐಫೋನ್ 14: ಮಿಂಗ್–ಚಿ ಕು
Published 21 ಡಿಸೆಂಬರ್ 2021, 11:20 IST
ಐಫೋನ್ 13
ಬೆಂಗಳೂರು: ಆ್ಯಪಲ್ ಮುಂದೆ ಬಿಡುಗಡೆ ಮಾಡಲಿರುವ ಐಫೋನ್ 14 ಮತ್ತು ಐಫೋನ್ 15 ಕ್ಯಾಮೆರಾದಲ್ಲಿ ಅಮೂಲಾಗ್ರ ಬದಲಾವಣೆ ಮಾಡಲಿದೆ ಎಂದು ಮಾರುಕಟ್ಟೆ ವಿಶ್ಲೇಷಕ ಮಿಂಗ್–ಚಿ ಕು ವರದಿ ಮಾಡಿದ್ದಾರೆ.
ಮಿಂಗ್–ಚಿ ಕು ಹೇಳಿಕೆಗಳು ಬಹುತೇಕ ಸಂದರ್ಭದಲ್ಲಿ ಹೆಚ್ಚು ನಿಖರವಾಗಿದ್ದು, ಐಫೋನ್ ಮತ್ತು ಇತರ ಗ್ಯಾಜೆಟ್ ಕುರಿತು ಅವರು ವರದಿ ನೀಡುತ್ತಾರೆ.
ಆ್ಯಪಲ್ ಈ ವರ್ಷ ಮಾರುಕಟ್ಟೆಗೆ ಐಫೋನ್ 13 ಸರಣಿ ಬಿಡುಗಡೆ ಮಾಡಿದೆ.
ಮುಂದಿನ ವರ್ಷ ಐಫೋನ್ 14 ಸರಣಿ ಬಿಡುಗಡೆಯಾಗುವ ನಿರೀಕ್ಷೆಯಿದೆ. ಅದರಲ್ಲಿನ ಕ್ಯಾಮೆರಾದಲ್ಲಿ ಆ್ಯಪಲ್ 48 ಮೆಗಾಪಿಕ್ಸೆಲ್ ಲೆನ್ಸ್ ಬಳಸುವ ಸಿದ್ಧತೆಯಲ್ಲಿದೆ ಎಂದು ಮಿಂಗ್–ಚಿ ಕು ಹೇಳಿದ್ದಾರೆ.
8K ವಿಡಿಯೊ ರೆಕಾರ್ಡಿಂಗ್ ಸೌಲಭ್ಯವನ್ನೂ ಆ್ಯಪಲ್ ಒದಗಿಸುವ ಸಾಧ್ಯತೆಯಿದೆ. ಈಗ ಮಾರುಕಟ್ಟೆಯಲ್ಲಿರುವ ಐಫೋನ್ 13 ಸರಣಿಯಲ್ಲಿ 12 ಮೆಗಾಪಿಕ್ಸೆಲ್ ಕ್ಯಾಮೆರಾವಷ್ಟೇ ಇದೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.