ಬಾಲಿವುಡ್‌ನಲ್ಲಿ ಗಣೇಶ ಚತುರ್ಥಿ ಸಂಭ್ರಮ: ಸೆಲೆಬ್ರಿಟಿಗಳಿಂದ ಹಬ್ಬ ಆಚರಣೆ
ಬೆಂಗಳೂರು: ಬಾಲಿವುಡ್‌ನಲ್ಲಿ ಗಣೇಶನಿಗೆ ವಿಶೇಷ ಆದ್ಯತೆ. ಚಿತ್ರರಂಗದ ಬಹುತೇಕ ಎಲ್ಲ ನಟ-ನಟಿಯರು ಗಣಪತಿಯ ಹಬ್ಬ ಆಚರಿಸುತ್ತಾರೆ.
ಅದರಂತೆ ಈ ಬಾರಿ ಕೂಡ ಬಾಲಿವುಡ್ ಮಂದಿ ಗಣೇಶ ಚತುರ್ಥಿ ಆಚರಿಸುತ್ತಿದ್ದು, ಸಾಮಾಜಿಕ ತಾಣಗಳ ಮೂಲಕ ಅಭಿಮಾನಿಗಳಿಗೆ ಮತ್ತು ಜನರಿಗೆ ಶುಭ ಕೋರಿದ್ದಾರೆ.
ಬಾಲಿವುಡ್ ಬಿಗ್‌ ಬಿ ಎಂದೇ ಕರೆಸಿಕೊಳ್ಳುವ ಅಮಿತಾಭ್ ಬಚ್ಚನ್ ಮೊದಲಿಗೆ ಗಣೇಶ ಚತುರ್ಥಿಯ ಶುಭ ಕೋರಿ ಪೋಸ್ಟ್ ಮಾಡಿದ್ದಾರೆ.
ಅದಾದ ಬಳಿಕ, ಅಜಯ್ ದೇವಗನ್, ಗಣೇಶನ ಸನ್ನಿಧಾನದಲ್ಲಿರುವ ಫೋಟೊ ಪೋಸ್ಟ್ ಮಾಡಿದ್ದು, ಗಣೇಶ ಎಲ್ಲರಿಗೂ ಶುಭ ತರಲಿ ಎಂದು ಅಡಿಬರಹ ನೀಡಿದ್ದಾರೆ.
ಅನುಪಮ್ ಖೇರ್, ಅಭಿಷೇಕ್ ಬಚ್ಚನ್, ಸೋಹಾ ಅಲಿ ಖಾನ್, ಕುನಾಲ್ ಕೇಮು, ನೇಹಾ ಧೂಪಿಯಾ, ನೀಲ್ ನಿತಿನ್ ಮುಕೇಶ್, ವರುಣ್ ಧವನ್, ಮಾಧುರಿ ದೀಕ್ಷಿತ್, ಶಮಿತಾ ಶೆಟ್ಟಿ, ಹೇಮಾ ಮಾಲಿನಿ, ಬಿಪಾಶ ಬಸು ಸಹಿತ ಬಾಲಿವುಡ್‌ನ ಪ್ರಮುಖ ನಟ-ನಟಿಯರು ಗಣೇಶ ಚತುರ್ಥಿ ಶುಭ ಕೋರಿದ್ದಾರೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.