ಫೇಸ್ಬುಕ್ ಸೇವೆಯಲ್ಲಿ ವ್ಯತ್ಯಯ; ಜುಕರ್‌ಬರ್ಗ್‌ಗೆ 44,728 ಕೋಟಿ ನಷ್ಟ
ವಾಷಿಂಗ್ಟನ್: ಫೇಸ್‌ಬುಕ್‌ಒಡೆತನದಸಾಮಾಜಿಕ ಮಾಧ್ಯಮ ವೇದಿಕೆಗಳ ಸೇವೆಯಲ್ಲಿ ಸೋಮವಾರ ಉಂಟಾದ ವ್ಯತ್ಯಯದಿಂದಾಗಿ ಮಾರ್ಕ್ ಜುಕರ್‌ಬರ್ಗ್‌ ಅವರಿಗೆ ಸುಮಾರು6 ಬಿಲಿಯನ್‌ ಡಾಲರ್‌ (ಅಂದಾಜು 44,728 ಕೋಟಿ) ನಷ್ಟಉಂಟಾಗಿದೆ. ಇದರಿಂದಾಗಿ ಅವರು ವಿಶ್ವದ ಸಿರಿವಂತರ ಪಟ್ಟಿಯಲ್ಲಿಯೂ ಕೆಲವುಸ್ಥಾನ ಕಳೆದುಕೊಂಡಿದ್ದಾರೆ ಎಂದು ವರದಿಯಾಗಿದೆ.
ಸಾಮಾಜಿಕ ಮಾಧ್ಯಮ ಕ್ಷೇತ್ರದ ದಿಗ್ಗಜ ಕಂಪೆನಿಯಾಗಿರುವ ಫೇಸ್‌ಬುಕ್‌ನ ಷೇರು ಮೌಲ್ಯ ಸೋಮವಾರ ಒಂದೇದಿನ ಶೇ4.9 ರಷ್ಟು ಕುಸಿತ ಕಂಡಿದೆ. ಮಾತ್ರವಲ್ಲದೆ ಸೆಪ್ಟೆಂಬರ್‌ ಮಧ್ಯದಿಂದೀಚೆಗೆ ಬರೋಬ್ಬರಿ ಶೇ15 ರಷ್ಟು ಇಳಿಕೆಯಾಗಿದೆ.
ಫೇಸ್ಬುಕ್ ಕಂಪೆನಿಯ ಮಾಲೀಕ ಜುಕರ್‌ಬರ್ಗ್‌ ಅವರ ಸಂಪತ್ತು ಕಳೆದ ಕೆಲವು ವಾರಗಳಿಂದ 140 ಶತಕೋಟಿ ಡಾಲರ್‌ನಿಂದ (ಅಂದಾಜು 10.43ಲಕ್ಷ ಕೋಟಿಯಿಂದ) 121.6 ಶತಕೋಟಿ ಡಾಲರ್‌ಗೆ(ಅಂದಾಜು 9.02 ಲಕ್ಷ ಕೋಟಿಗೆ) ಕುಸಿದಿದೆ. ಹೀಗಾಗಿ ಅವರು ವಿಶ್ವದ ಅತ್ಯಂತ ಶ್ರೀಮಂತರ ಪಟ್ಟಿಯಲ್ಲಿ ಬಿಲ್‌ಗೇಟ್ಸ್‌ಗಿಂತ ಕೆಳಗಿನ 5ನೇ ಸ್ಥಾನಕ್ಕೆ ಕುಸಿದಿದ್ದಾರೆ ಎಂದು ಬ್ಲೂಮ್‌ಬರ್ಗ್‌ ಬಿಲೇನಿಯರ್ಸ್‌ ಸೂಚ್ಯಂಕ ತಿಳಿಸಿದೆ.
ಫೇಸ್‌ಬುಕ್‌ನ ಆಂತರಿಕ ಸಮಸ್ಯೆಗಳನ್ನು ಉಲ್ಲೇಖಿಸಿ ʼದಿ ವಾಲ್‌ ಸ್ಟ್ರೀಟ್‌ ಜರ್ನಲ್‌ʼ ಪತ್ರಿಕೆಯುಸೆಪ್ಟೆಂಬರ್‌13ರಿಂದ ಸರಣಿ ಲೇಖನಗಳನ್ನು ಪ್ರಕಟಿಸಿತ್ತು. ಅಮೆರಿಕದ ಕ್ಯಾಪಿಟಲ್‌ ಮೇಲೆ ಜನವರಿ6ರಂದು ನಡೆದ ದಾಳಿ ಬಗೆಗಿನ ತಪ್ಪು ಮಾಹಿತಿಪ್ರಸಾರವನ್ನು ಸಾರ್ವಜನಿಕ ಸುರಕ್ಷತೆಯ ದೃಷ್ಟಿಯಿಂದ ತಡೆಯಬಹುದಿತ್ತು, ಹದಿಹರೆಯದ ಹುಡುಗಿಯರ ಮಾನಸಿಕ ಆರೋಗ್ಯದ ಮೇಲೆ ಇನ್‌ಸ್ಟಾಗ್ರಾಂ ಪರಿಣಾಮ ಉಂಟುಮಾಡುತ್ತದೆ ಎಂಬುದೂ ಸೇರಿದಂತೆ ಹಲವು ಲೇಖನಗಳು ಪ್ರಕಟವಾಗಿದ್ದವು. ಇವು ಸರ್ಕಾರದ ಗಮನ ಸೆಳೆದಿದ್ದವು.
ಈ ಸಂಬಂಧ ಪ್ರತಿಕ್ರಿಯೆ ನೀಡಿದ್ದ ಫೇಸ್ಬುಕ್,ರಾಜಕೀಯ ಧ್ರುವೀಕರಣ ಸೇರಿದಂತೆ ತನ್ನ ಉತ್ಪನ್ನಗಳು ಎದುರಿಸುತ್ತಿರುವ ಸಮಸ್ಯೆಗಳು ಸಂಕೀರ್ಣವಾಗಿವೆ. ಇವು ತಂತ್ರಜ್ಞಾನದಿಂದ ಮಾತ್ರವೇ ಸೃಷ್ಟಿಯಾಗಿರುವವಲ್ಲಎಂದು ಒತ್ತಿ ಹೇಳಿತ್ತು.
ಇವನ್ನೂ ಓದಿ
*ಸೇವೆಯಲ್ಲಿ ವ್ಯತ್ಯಯ: ಬಹಿರಂಗವಾಗಿ ಬಳಕೆದಾರರ ಕ್ಷಮೆ ಕೇಳಿದ ಮಾರ್ಕ್ ಜುಕರಬರ್ಗ್
*ಫೇಸ್ಬುಕ್, ವಾಟ್ಸಾಪ್‌, ಇನ್‌ಸ್ಟಾಗ್ರಾಂ, ಮೆಸೆಂಜರ್‌ ಡೌನ್‌!
*ಮರಳಿದ ಫೇಸ್ಬುಕ್, ವಾಟ್ಸ್‌ಆ್ಯಪ್‌ ಸೇವೆ: ಟ್ವಿಟರ್‌ನಲ್ಲಿ ಮುಗಿಯದ ಟ್ರೆಂಡ್‌!
*ಸಾಮಾಜಿಕ ಮಾಧ್ಯಮ ನೀತಿ ಕುರಿತು ಫೇಸ್ಬುಕ್ ಅನ್ನು ಟೀಕಿಸಿದ ಟಿಮ್ ಕುಕ್
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.