ಮತ್ತೆ ಪೋಲ್ ಡ್ಯಾನ್ಸಿಂಗ್‌ಗೆ ಮರಳಿದ ನಟಿ ಕೃತಿ ಕರಬಂದ
ಬೆಂಗಳೂರು: ಚಿತ್ರರಂಗದ ಪ್ರಮುಖ ನಟಿಯರಲ್ಲಿ ಒಬ್ಬರಾದ ಕೃತಿ ಕರಬಂದ ಫೋಸ್ಟ್ ಒಂದು ಇನ್‌ಸ್ಟಾಗ್ರಾಂನಲ್ಲಿ ವೈರಲ್ ಆಗಿದೆ.
ಕೃತಿ ಕರಬಂದ ಅವರಿಗೆ ಪೋಲ್ ಡ್ಯಾನ್ಸಿಂಗ್ ಎಂದರೆ ತುಂಬ ಇಷ್ಟವಂತೆ.. ಪೋಲ್ ಡ್ಯಾನ್ಸ್‌ನಲ್ಲಿ ಹೆಚ್ಚು ಸಂತೋಷವಿದೆ ಮತ್ತು ಅದರಿಂದ ತೃಪ್ತಿ ದೊರೆಯುತ್ತದೆ ಎಂದು ಕೃತಿ ಹೇಳಿಕೊಂಡಿದ್ದಾರೆ.
ಕಪ್ಪು ಬಣ್ಣದ ಉಡುಗೆ ತೊಟ್ಟಿರುವ ಕೃತಿ, ಹಳೆಯ ವಿಡಿಯೊ ಒಂದನ್ನು ಇನ್‌ಸ್ಟಾಗ್ರಾಂನಲ್ಲಿ ಪೋಸ್ಟ್ ಮಾಡಿದ್ದು, ಮನೆಯಲ್ಲಿ ಕೂಡ ಪೋಲ್ ಒಂದನ್ನು ಅಳವಡಿಸಿಕೊಳ್ಳಬೇಕಿತ್ತು. ಪೋಲ್ ಡ್ಯಾನ್ಸ್ ಇಲ್ಲದಿರುವುದಕ್ಕೆ ವಿಷಾದವಾಗುತ್ತಿದೆ ಎಂದಿದ್ದಾರೆ.
ಲಾಕ್‌ಡೌನ್ ಬಳಿಕ ಖಂಡಿತವಾಗಿಯೂ ಮತ್ತೆ ಪೋಲ್ ಡ್ಯಾನ್ಸ್ ಮಾಡುತ್ತೇನೆ, ನಾನು ತುಂಬಾ ಮಿಸ್ ಮಾಡಿಕೊಳ್ಳುತ್ತಿದ್ದೇನೆ, ನೀವೇನು ಮಿಸ್ ಮಾಡಿಕೊಳ್ಳುತ್ತಿರುವಿರಿ ಎಂದು ಅಭಿಮಾನಿಗಳನ್ನು ಕೃತಿ ಪ್ರಶ್ನಿಸಿದ್ದಾರೆ.
ಫಿಟ್ನೆಸ್ ಮತ್ತು ವರ್ಕೌಟ್ ಕುರಿತು ಕೃತಿ ತುಂಬಾ ಎಚ್ಚರ ವಹಿಸುತ್ತಿದ್ದು, ಜಿಮ್‌ನಲ್ಲಿರುವ ಫೋಟೊ, ವಿಡಿಯೊ ಕೂಡ ಆಗಾಗ ಹಂಚಿಕೊಳ್ಳುತ್ತಿರುತ್ತಾರೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.