ಡಿಕೆಡಿ ವೇದಿಕೆಯಲ್ಲಿ ಶಿವಣ್ಣನ ಜತೆಗೆ ಹೆಜ್ಜೆ ಹಾಕಿದ ನಟಿ ರಚಿತಾ ರಾಮ್

ಡಿಕೆಡಿ ವೇದಿಕೆ ಮೇಲೆ ಶಿವರಾಜ್ ಕುಮಾರ್ ಜತೆಗೆ ನಟಿ ರಚಿತಾ ರಾಮ್ ಅವರು ಹೆಜ್ಜೆ ಹಾಕಿರುವ ವಿಡಿಯೊವನ್ನು ಸಾಮಾಜಿಕ ಮಾಧ್ಯಮದಲ್ಲಿ ಹಂಚಿಕೊಂಡಿದ್ದಾರೆ.

ಸದ್ಯ, ಡಿಕೆಡಿಯ ತೀರ್ಪುಗಾರರಾಗಿರುವ ರಚಿತಾ ರಾಮ್ ವೇದಿಕೆ ಮೇಲಿನ ಸಂತಸದ ಕ್ಷಣಗಳನ್ನು ಹಂಚಿಕೊಂಡು, ‘ಈ ವಾರಾಂತ್ಯದ ಡಿಕೆಡಿ ಕಾರ್ಯಕ್ರಮ ವಿಶೇಷ. ಈ ವಿಡಿಯೊಗಳನ್ನು ಬಹಳ ದೂರದಿಂದ ತೆಗೆದ ಕಾರಣ ಅವು ತುಂಬಾ ಸ್ಪಷ್ಟವಾಗಿಲ್ಲ.

ಆದರೆ ಶಿವಣ್ಣನ ಜತೆ ಹೆಜ್ಜೆ ಹಾಕಿರುವುದು ನೆನಪಿನಲ್ಲಿ ಉಳಿಲಿವೆ. ಶಿವಣ್ಣ ಅವರ ಶಕ್ತಿ, ನೃತ್ಯ, ಮಾತನಾಡಿಸುವ ಶೈಲಿ, ಎಲ್ಲರನ್ನೂ ಬೆಂಬಲಿಸುವ ರೀತಿಯನ್ನು ನೋಡಿದಾಗಲೆಲ್ಲಾ ಸಂತಸವಾಗುತ್ತದೆ’ ಎಂದಿದ್ದಾರೆ.

ಡಿಕೆಡಿ ‘ನಂಬರ್ ಒನ್ ಶೋ ‘ ಎಂದು ಹೆಮ್ಮೆ ಇದೆ. ಎಲ್ಲಾ ಸ್ಪರ್ಧಿಗಳಿಗೂ ಶುಭ ಹಾರೈಸುತ್ತೇನೆ ಎಂದು ಬರೆದುಕೊಂಡಿದ್ದಾರೆ.

ರಚಿತಾ ರಾಮ್ ಅವರು ಇತ್ತೀಚೆಗೆ ‘ಸಂಜು ವೆಡ್ಸ್ ಗೀತಾ 2 ’ ಚಿತ್ರದಲ್ಲಿ ನಟಿಸಿದ್ದಾರೆ. ಸದ್ಯ, 'ಲ್ಯಾಂಡ್‌ಲಾರ್ಡ್, ‘ಅಯೋಗ್ಯ 2 ’ ಚಿತ್ರೀಕರಣದಲ್ಲಿ ತೊಡಗಿಸಿಕೊಂಡಿದ್ದಾರೆ.