Health Tips: ಚಳಿಯಿಂದ ದೇಹವನ್ನು ಬೆಚ್ಚಗಿಡಲು ಇಲ್ಲಿದೆ ಸರಳ ಉಪಾಯ

ಚಳಿಗಾಲದಲ್ಲಿ ತಾಪಮಾನದ ಬದಲಾವಣೆಯಿಂದಾಗಿ ವೈರಾಣುಗಳು ಹೆಚ್ಚು ಕ್ರಿಯಾಶೀಲವಾಗಿರುತ್ತವೆ. ಇದರಿಂದ ಚರ್ಮ ಹಾಗೂ ಶ್ವಾಸಕೋಶದ ಮೇಲೆ ಪರಿಣಾಮ ಬೀರುತ್ತವೆ. ಈ ಸಮಯದಲ್ಲಿ ಆರೋಗ್ಯವನ್ನು ಸುರಕ್ಷಿತವಾಗಿ ಇಟ್ಟುಕೊಳ್ಳಲು ಆಯುರ್ವೇದ ತಜ್ಞರು ಕೆಲವು ಸಲಹೆ ನೀಡಿದ್ದಾರೆ.

ಚಳಿಗಾಲದಲ್ಲಿ ವಾಯುಮಾಲಿನ್ಯ ಹೆಚ್ಚಾಗಿರುವುದರಿಂದ ಈ ವೇಳೆ ನಿರಂತರ ಸೀನುವಿಕೆ, ಅಲರ್ಜಿ ಕೆಮ್ಮು, ಕೈ – ಕಾಲು ಒಡೆಯುತ್ತವೆ.

ಚಳಿಗಾಲದಲ್ಲಿ ಆರೋಗ್ಯ ರಕ್ಷಣೆ ಹೇಗೆ?

• ಅನ್ನದ ಜತೆ 1–2 ಚಮಚ ತುಪ್ಪವನ್ನು ಸೇರಿಸಿ ಊಟ ಸೇವಿಸಬೇಕು

• ದಿನನಿತ್ಯ 2–4 ಲೀಟರ್ ಬೆಚ್ಚಗಿನ ನೀರು ಕುಡಿಯಬೇಕು

• ತರಕಾರಿ, ಸೊಪ್ಪು, ಮೊಳಕೆ ಕಾಳು ಹೆಚ್ಚಾಗಿ ಸೇವಿಸಬೇಕು

• ಶುಂಠಿ ಮತ್ತು ಜೀರಿಗೆ ಕಷಾಯದ ಜತೆ ಅರಿಶಿಣ ಪುಡಿ ಸೇರಿಸಿ ಕುಡಿಯಬೇಕು

• ತಂಪು ಪಾನಿಯ, ಐಸ್‌ಕ್ರೀಂ ಹಾಗೂ ಎಣ್ಣೆಯಲ್ಲಿ ಕರಿದ ಪದಾರ್ಥಗಳನ್ನು ಸೇವಿಸಬಾರದು.

• ಬೆಚ್ಚಗಿನ ಉಡುಪು ಧರಿಸುವುದು

• ಮಾಸ್ಕ್ ಧರಿಸುವುದು

• ಸರಿಯಾದ ವೇಳೆಗೆ ಊಟ ಸೇವನೆ

• ಒಣ ಹಣ್ಣುಗಳ ಸೇವನೆ

• ಪ್ರತಿನಿತ್ಯ ವ್ಯಾಯಮ ಮಾಡುವುದರಿಂದ ಚಳಿಗಾಲದಲ್ಲಿ ಆರೋಗ್ಯವನ್ನು ಸುರಕ್ಷಿತವಾಗಿ ಇಟ್ಟುಕೊಳ್ಳಬಹುದು ಎಂದು ತಜ್ಞರು ಮಾಹಿತಿ ನೀಡಿದ್ದಾರೆ.