ಮ್ಯಾಕ್ಬುಕ್, ಐಫೋನ್ ಸ್ವಚ್ಛಗೊಳಿಸಲು ಆ್ಯಪಲ್ ಪಾಲಿಶಿಂಗ್ ಬಟ್ಟೆ: ಬೆಲೆ ₹1,900!
Published 20 ಅಕ್ಟೋಬರ್ 2021, 7:33 IST
ಆ್ಯಪಲ್ ಉಪಕರಣಗಳನ್ನು ಸ್ವಚ್ಚಗೊಳಿಸಲು ಪಾಲಿಶ್ ಬಟ್ಟೆ ಬಿಡುಗಡೆ
ಬೆಂಗಳೂರು: ಆ್ಯಪಲ್ ಕಂಪನಿಯ ಮ್ಯಾಕ್ಬುಕ್, ಐಫೋನ್ ಮತ್ತು ಇತರ ಉಪಕರಣಗಳನ್ನು ಸ್ವಚ್ಛಗೊಳಿಸಲು ವಿನೂತನ ‘ಪಾಲಿಶಿಂಗ್ ಕ್ಲೋತ್’ ಬಿಡುಗಡೆಯಾಗಿದೆ.
ಆ್ಯಪಲ್ ಪರಿಚಯಿಸಿರುವ ಪಾಲಿಶಿಂಗ್ ಬಟ್ಟೆಗೆ ದೇಶದಲ್ಲಿ ₹1,900 ದರ ನಿಗದಿಪಡಿಸಲಾಗಿದೆ.
ಮೆದುವಾದ, ಗುಣಮಟ್ಟದ ಬಟ್ಟೆ ಬಳಸಿ ಈ ಪಾಲಿಶಿಂಗ್ ಕ್ಲೋತ್ ತಯಾರಿಸಲಾಗಿದೆ ಎಂದು ಆ್ಯಪಲ್ ಕಂಪನಿ ಹೇಳಿಕೊಂಡಿದೆ.
ಆ್ಯಪಲ್ ಮ್ಯಾಕ್ಬುಕ್, ಐಪ್ಯಾಡ್ ಮತ್ತು ಐಫೋನ್ ಹಾಗೂ ಇತರ ಸಾಧನಗಳನ್ನು ಪಾಲಿಶಿಂಗ್ ಕ್ಲೋತ್ ಬಳಸಿ ಸ್ವಚ್ಛ ಮಾಡಬಹುದು ಎಂದು ಕಂಪನಿ ತಿಳಿಸಿದೆ.
ಹೊಸ ಮ್ಯಾಕ್ಬುಕ್ ಪ್ರೊ ಬಿಡುಗಡೆಯ ಜತೆಗೆ ನೂತನ ಪಾಲಿಶಿಂಗ್ ಕ್ಲೋತ್ ಕೂಡ ಬಿಡುಗಡೆಯಾಗಿದೆ. ಅಲ್ಲದೆ, ಖರೀದಿಗೆ ತಿಂಗಳಿಗೆ ₹224 ದರದ ಇಎಂಐ ಪ್ಲ್ಯಾನ್ ಕೂಡ ಲಭ್ಯವಿದೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.