Budget 2025 Highlights: ನಿರ್ಮಲಾ ಸೀತಾರಾಮನ್ ಮಂಡಿಸಿದ ಬಜೆಟ್ ಮುಖ್ಯಾಂಶಗಳು
ನವದೆಹಲಿ: ಮಧ್ಯಮ ವರ್ಗದ ಜನರ ಮೇಲಿನ ಆರ್ಥಿಕ ಹೊರೆ ಕೆಳಗಿಳಿಸುವ ಹಾಗೂ ಆರ್ಥಿಕತೆ ಪ್ರಗತಿಗೆ ವೇಗ ನೀಡುವ ಸವಾಲಿನ ನಡುವೆಯೇ, ಕೇಂದ್ರ ಹಣಕಾಸು ಸಚಿವೆ ನಿರ್ಮಲಾ ಸೀತಾರಾಮನ್ ಅವರು 2025–26ನೇ ಸಾಲಿನ ಕೇಂದ್ರ ಬಜೆಟ್ ಮಂಡಿಸಿದ್ದಾರೆ.
ಬಜೆಟ್‌ನ ಪ್ರಮುಖಾಂಶಗಳು ಇಲ್ಲಿವೆ.
ದೇಶವೆಂದರೆ ಕೇವಲ ನೆಲವಷ್ಟೇ ಅಲ್ಲ, ಜನರು. ಹಾಗಾಗಿಯೇ ವಿಕಸಿತ ಭಾರತದತ್ತ ಚಿತ್ತ ಹರಿಸಲಾಗಿದೆ ಎನ್ನುತ್ತಾ ಭಾಷಣ ಆರಂಭಿಸಿದ ನಿರ್ಮಲಾ
ಬಡತನ, ಯುವ ಜನತೆ, ರೈತರ ಮತ್ತು ಮಹಿಳೆಯರಿಗೆ ಆದ್ಯತೆ; ಎಲ್ಲರಿಗೂ ಉತ್ತಮ ಶಿಕ್ಷಣ, ಬಡತನ ಹೋಗಲಾಡಿಸುವುದು, ಗುಣಮಟ್ಟದ ಹಾಗೂ ಕೈಗೆಟುಕುವ ಆರೋಗ್ಯ ಸೇವೆಗೆ ಒದಗಿಸಲು ಕ್ರಮ
ಕಿಸಾನ್‌ ಕ್ರೆಡಿಟ್ಸ್‌ ಕಾರ್ಡ್ಸ್‌: ಸಾಲ ಮಿತಿ ₹ 5 ಲಕ್ಷಕ್ಕೆ ಏರಿಕೆ
ಪಿಎಂ ಧನ್‌–ಧಾನ್ಯ ಕೃಷಿ ಯೋಜನೆ: ರಾಜ್ಯಗಳ ಪಾಲುದಾರಿಕೆಯಲ್ಲಿ 1.7 ಕೋಟಿ ರೈತರಿಗೆ ನೆರವು
ಆತ್ಮನಿರ್ಭರ ಭಾರತ ಮೂಲಕ ಸ್ಟಾರ್ಟ್‌ಅಪ್‌ಗಳಿಗೆ ₹10 ಕೋಟಿಯಿಂದ ₹20ಕೋಟಿವರೆಗೂ ಕಡಿಮೆ ಬಡ್ಡಿ ಸಾಲ. ಮೈಕ್ರೊ ಕಂಪನಿಗಳಿಗೆ ₹5 ಲಕ್ಷವರೆಗಿನ ಕ್ರೆಡಿಟ್‌ ಕಾರ್ಡ್‌ ವಿತರಣೆ ಹಾಗೂ ಇಂಥ 10 ಲಕ್ಷ ಕಾರ್ಡ್‌ ಮೊದಲ ಹಂತದಲ್ಲಿ ಹಂಚಿಕೆ
ಉದ್ಯಮ ಕ್ಷೇತ್ರದಲ್ಲಿ ಪರಿಶಿಷ್ಟ ಜಾತಿ, ಪರಿಶಿಷ್ಟ ಪಂಗಡ ಹಾಗೂ ಮಹಿಳೆಯರನ್ನು ಉತ್ತೇಜಿಸಲು ಹೊಸ ಯೋಜನೆ; 5 ಲಕ್ಷ ಉದ್ದಿಮೆದಾರರಿಗೆ ಅನುಕೂಲ
ಆಹಾರ ತಂತ್ರಜ್ಞಾನಕ್ಕಾಗಿ ಬಿಹಾರದಲ್ಲಿ ರಾಷ್ಟ್ರೀಯ ಸಂಸ್ಥೆ; ಯುಕವರ ಕೌಶಲ ವೃದ್ಧಿ ಮತ್ತು ರೈತರ ಆದಾಯ ಹೆಚ್ಚಳಕ್ಕೆ ಒತ್ತು
8 ಕೋಟಿ ಮಕ್ಕಳು, ಎದೆ ಹಾಲುಣಿಸುವ 1 ಕೋಟಿ ತಾಯಂದಿರಿಗಾಗಿ ಸಮಕ್ಷಮ್‌ ಅಂಗನವಾಡಿ ಪೋಷಣ್‌ 2.0 ಯೋಜನೆ
ಪುಸ್ತಕಗಳಿಗೆ ಡಿಜಿಟಲ್‌ ರೂಪ ನೀಡಲು ಭಾರತೀಯ ಭಾಷಾ ಪುಸ್ತಕ ಯೋಜನೆ
ಮೇಕ್‌ ಇನ್‌ ಇಂಡಿಯಾ ಉತ್ತೇಜನದ ಸಲುವಾಗಿ ಕೌಶಲ ತರಬೇತಿಗಾಗಿ ಐದು ರಾಷ್ಟ್ರೀಯ ಕೇಂದ್ರಗಳು
₹ 500 ಕೋಟಿ ವೆಚ್ಚದಲ್ಲಿ Centre of Excellence in AI ಸ್ಥಾಪನೆ
ಒಂದು ವರ್ಷದೊಳಗೆ ವೈದ್ಯಕೀಯ ಕಾಲೇಜುಗಳಲ್ಲಿ ಹೆಚ್ಚುವರಿಯಾಗಿ 10,000 ಸೀಟುಗಳು
ದೇಶದ ಎಲ್ಲ ಜಿಲ್ಲೆಗಳಲ್ಲೂ ಡೇಕೇರ್‌, ಕ್ಯಾನ್ಸರ್‌ ಚಿಕಿತ್ಸಾ ಕೇಂದ್ರಗಳ ಸ್ಥಾಪನೆಗೆ ಹೆಜ್ಜೆ; 2025–26ರ ಹೊತ್ತಿಗೆ 200 ಆರಂಭ
ಇ-ಶ್ರಮ ಪೋರ್ಟಲ್‌ನಲ್ಲಿ ಗಿಗ್ ಕಾರ್ಮಿಕರಿಗೆ ಗುರುತಿನ ಪತ್ರ ಮತ್ತು ನೋಂದಣಿ
ಜಲ ಜೀವನ್‌ ಮಿಷನ್ ವಿಸ್ತರಣೆ: ಶೇ 100ರ ಗುರಿ ಸಾಧನೆಗಾಗಿ 2028ರವರೆಗೆ ಯೋಜನೆ
ಪುನರ್ ಅಭಿವೃದ್ಧಿ, ನೀರು ಸರಬರಾಜು, ನೈರ್ಮಲ್ಯದ ಉದ್ದೇಶಗಳಿಗಾಗಿ ₹ 1 ಲಕ್ಷ ಕೋಟಿ ನಗರ ಸವಾಲು ನಿಧಿ ಸ್ಥಾಪನೆ
ಪರಮಾಣು ಶಕ್ತಿ: 2047ರ ಹೊತ್ತಿಗೆ 10 ಗಿಗಾ ವ್ಯಾಟ್‌ ಪರಮಾಣು ಶಕ್ತಿ ಅಭಿವೃದ್ಧಿ ಸಾಧಿಸಬೇಕಿದೆ. ಹಾಗಾಗಿ, ಅಣ್ವಸ್ತ್ರ ಸಂಬಂಧಿತ ಕಾನೂನುಗಳಿಗೆ ತಿದ್ದುಪಡಿ ತರಲಾಗುವುದು.
ಬಿಹಾರಕ್ಕೆ ಗ್ರೀನ್‌–ಫೀಲ್ಡ್‌ ಏರ್‌ಪೋರ್ಟ್
ಭಾರತೀಯ ಹಸ್ತಪ್ರತಿ ಇತಿಹಾಸದ ಅಧ್ಯಯನ, ದಾಖಲಾತಿಗಾಗಿ ಜ್ಞಾನ ಭಾರತಂ ಮಿಷನ್
ವಿಮಾ ಕ್ಷೇತ್ರದಲ್ಲಿ ಎಫ್‌ಡಿಐ ಮಿತಿ; ಶೇ 100ರಷ್ಟು ಏರಿಸಲಾಗುವುದು
ಮುಂದಿನ ವಾರ ಹೊಸ ಆದಾಯ ತೆರಿಗೆ ಮಸೂದೆ
2025ರಲ್ಲಿ, ಪರಿಷ್ಕೃತ KYC ನೋಂದಣಿ ವ್ಯವಸ್ಥೆ
ಕ್ಯಾನ್ಸರ್‌: ಜೀವ ರಕ್ಷಕ ಕೆಲವು ಔಷಧಗಳ ಮೇಲಿನ ತೆರಿಗೆ ರದ್ದು
ರಾಜ್ಯಗಳಿಗೆ 50 ವರ್ಷದ ವರೆಗೆ ಬಡ್ಡಿ ರಹಿತ ಸಾಲ
ಮೊಬೈಲ್ ಫೋನ್ ದರ ಏರಿಕೆ; ಕೊಬಾಲ್ಡ್‌ ಉತ್ಪನ್ನ, ಎಲ್‌ಇಡಿ, ಜಿಂಖ್‌, ಲೀಥಿಯಮ್‌–ಐಯಾನ್‌ ಬ್ಯಾಟರಿ ರದ್ದಿ ಹಾಗೂ 12 ನಿರ್ಣಾಯಕ ಖನಿಜಗಳ ಮೇಲಿನ ತೆರಿಗೆ ವಿನಾಯಿತಿ
ಹಿರಿಯ ನಾಗರಿಕರಿಗೆ ₹ 1 ಲಕ್ಷದ ವರೆಗೆ ಟಿಡಿಎಸ್‌ ವಿನಾಯಿತಿ
ರಕ್ಷಣಾ ಇಲಾಖೆ: ₹4.91 ಲಕ್ಷ ಕೋಟಿ
ಗ್ರಾಮೀಣ ಅಭಿವೃದ್ಧಿ: ₹2.66 ಲಕ್ಷ ಕೋಟಿ
ಗೃಹ ಇಲಾಖೆ: ₹2.33 ಲಕ್ಷ ಕೋಟಿ
ಕೃಷಿ & ರೈತರ ಕಲ್ಯಾಣ: ₹1.71 ಲಕ್ಷ ಕೋಟಿ
ಶಿಕ್ಷಣ: ₹1.28 ಲಕ್ಷ ಕೋಟಿ
ಆರೋಗ್ಯ: ₹98,311 ಕೋಟಿ
ನಗರಾಭಿವೃದ್ಧಿ: ₹96,777 ಕೋಟಿ
ಮಾಹಿತಿ ತಂತ್ರಜ್ಞಾನ: ₹95,298 ಕೋಟಿ
ಇಂಧನ: ₹81,174 ಕೋಟಿ
ವಾಣಿಜ್ಯ ಮತ್ತು ಕೈಗಾರಿಕೆ: ₹68,553 ಕೋಟಿ
ಸಮಾಜ ಕಲ್ಯಾಣ ಇಲಾಖೆ: ₹60,052 ಕೋಟಿ
ವಿಜ್ಞಾನ ಕ್ಷೇತ್ರ: ₹55,679 ಕೋಟಿ
ಬಜೆಟ್ ಮಂಡನೆ ವೀಕ್ಷಿಸುತ್ತಿರುವ ಸಾರ್ವಜನಿಕರು
ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್, ಎಕ್ಸ್, ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಂನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.