ಲಾಸ್ಏಂಜಲೀಸ್:ಆಸ್ಕರ್ ಪ್ರಶಸ್ತಿ ಪ್ರದಾನ ಸಮಾರಂಭದ ವೇದಿಕೆಯಲ್ಲಿಸಹನಟನ ಕೆನ್ನೆಗೆ ಬಾರಿಸಿದ್ದಅಮೆರಿಕದ ವಿಲ್ ಸ್ಮಿತ್ ಅವರಿಗೆ ಕಾರ್ಯಕ್ರಮದಿಂದ ಹೊರನಡೆಯುವಂತೆ ಸೂಚಿಸಲಾಗಿತ್ತು. ಆದರೆ, ಅಲ್ಲಿಂದ ತೆರಳಲು ಸ್ಮಿತ್ ನಿರಾಕರಿಸಿದ್ದರು ಎಂದು 'ಅಕಾಡೆಮಿ ಆಫ್ ಮೋಷನ್ ಪಿಕ್ಚರ್ ಆರ್ಟ್ ಮತ್ತು ಸೈನ್ಸ್' ತಿಳಿಸಿದೆ.
ಪ್ರಶಸ್ತಿ ಪ್ರದಾನ ಸಮಾರಂಭದಲ್ಲಿ 'ನಾವು ನಿರೀಕ್ಷಿಸದ ಘಟನೆ ನಡೆಯಿತು' ಎಂದಿರುವ ಅಕಾಡೆಮಿ, ಸ್ಮಿತ್ ವಿರುದ್ಧ ಶಿಸ್ತು ಕ್ರಮ ಕೈಗೊಳ್ಳುತ್ತಿರುವುದಾಗಿ ಪ್ರಕಟಿಸಿದೆ. ಹಾಗೆಯೇ, 'ಸಮಾರಂಭದಿಂದ ಹೊರನಡೆಯುವಂತೆ ಮಿ. ಸ್ಮಿತ್ ಅವರಿಗೆ ತಿಳಿಸಿದ್ದೆವು. ಆದರೆ, ಅದನ್ನು ಅವರು ನಿರಾಕರಿಸಿದ್ದರು ಎಂದು ಸ್ಪಷ್ಟಪಡಿಸುತ್ತೇವೆ.ಪರಿಸ್ಥಿತಿಯನ್ನು ವಿಭಿನ್ನವಾಗಿ ನಿಭಾಯಿಸಬಹುದಿತ್ತು ಎನಿಸುತ್ತದೆ' ಎಂದೂ ಹೇಳಿದೆ.
ವಿಲ್ ಸ್ಮಿತ್ ಅವರು,'ಕಿಂಗ್ ರಿಚರ್ಡ್' ಚಿತ್ರದಲ್ಲಿನ ನಟನೆಗಾಗಿ ಪ್ರಸಕ್ತ ಸಾಲಿನ 'ಅತ್ಯುತ್ತಮ ನಟ' ಆಸ್ಕರ್ ಪ್ರಶಸ್ತಿ ಪಡೆದಿದ್ದಾರೆ. ಸಮಾರಂಭವು, ಲಾಸ್ಏಂಜಲೀಸ್ನ ಡೊಲ್ಡಿ ಸಭಾಂಗಣದಲ್ಲಿ ಭಾನುವಾರ (ಮಾ.27) ಜರುಗಿತ್ತು.
ಸಮಾರಂಭದ ವೇಳೆವೇದಿಕೆಯಲ್ಲಿದ್ದ ಕ್ರಿಸ್ ರಾಕ್ ಅವರು, ವಿಲ್ ಸ್ಮಿತ್ ಅವರ ಪತ್ನಿ ಜೇಡ ಪಿಂಕೆಟ್ ಸ್ಮಿತ್ ಕುರಿತು ಚಟಾಕಿ ಹಾರಿಸಿದ್ದರು.ಇದರಿಂದ ಸಿಟ್ಟಾದ ಸ್ಮಿತ್, ಏಕಾಏಕಿ ವೇದಿಕೆ ಏರಿ ರಾಕ್ ಕೆನ್ನೆಗೆ ಬಾರಿಸಿದ್ದರು.
ಬಳಿಕ ಘಟನೆ ಕುರಿತು ವಿಷಾದಿಸಿದ್ದ ಸ್ಮಿತ್, ಪಶಸ್ತಿ ಸ್ವೀಕರಿಸಲು ಹೋದಾಗ ಕ್ಷಮೆಯಾಚಿಸಿದ್ದರು.
ಇವನ್ನೂ ಓದಿ
*Oscars 2022: ವೇದಿಕೆ ಮೇಲೆ ಸಹ ನಟನ ಕೆನ್ನೆಗೆ ಹೊಡೆದ ನಟವಿಲ್ ಸ್ಮಿತ್
*Oscars 2022 | ‘ಕೋಡ’ ಅತ್ಯುತ್ತಮ ಚಿತ್ರ, ವಿಲ್ ಸ್ಮಿತ್ ಅತ್ಯುತ್ತಮ ನಟ
*ಸಂಗತ | ವೇಗದ ಜಗತ್ತಿಗೂ ತಾಳ್ಮೆಯೇ ಮಂತ್ರ
*Oscars 2022: ವೇದಿಕೆಯಲ್ಲಿಸಹನಟನ ಕೆನ್ನೆಗೆ ಹೊಡೆದಿದ್ದ ಸ್ಮಿತ್ ಕ್ಷಮೆಯಾಚನೆ
*ವಿಲ್ ಸ್ಮಿತ್ ಕೋಪಗೊಂಡು ಕೆನ್ನೆಗೆ ಹೊಡೆದಿದ್ದು ಇದೇ ಮೊದಲ ಬಾರಿಯಲ್ಲ!
*ಆಸ್ಕರ್ ಪ್ರಶಸ್ತಿ ಗೆದ್ದು ಇತಿಹಾಸ ರಚಿಸಿದ ಟ್ರಾಯ್ ಕೊಟ್ಸುರ್
*Oscars 2022: ಯಾರಿಗೆ ಯಾವ ಪ್ರಶಸ್ತಿ? ಇಲ್ಲಿದೆ ಸಂಪೂರ್ಣ ಮಾಹಿತಿ...
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.