ಗಂಡು ಮಗುವಿಗೆ ಜನ್ಮ ನೀಡಿದ ಖುಷಿ ಹಂಚಿಕೊಂಡ ರಜನಿಕಾಂತ್ ಪುತ್ರಿ ಸೌಂದರ್ಯ
ರಜನಿಕಾಂತ್ ಪುತ್ರಿ ಸೌಂದರ್ಯ, ಗಂಡು ಮಗುವಿನ ತಾಯಿಯಾಗಿರುವ ಸಂಭ್ರಮದಲ್ಲಿದ್ದಾರೆ.
Published 13 ಸೆಪ್ಟೆಂಬರ್ 2022, 7:22 IST
ಸೌಂದರ್ಯ ರಜನಿಕಾಂತ್ ಮತ್ತು ವಿಶಾಗನ್
ಬೆಂಗಳೂರು: ಖ್ಯಾತ ನಟ ರಜನಿಕಾಂತ್ ಅವರ ಪುತ್ರಿ ಸೌಂದರ್ಯ ರಜನಿಕಾಂತ್ ಮತ್ತು ವಿಶಾಗನ್ ದಂಪತಿ ಸೆಪ್ಟೆಂಬರ್ 11ರಂದು ಗಂಡು ಮಗುವನ್ನು ಬರಮಾಡಿಕೊಂಡಿದ್ದಾರೆ.
ಮಗು ಜನಿಸಿರುವ ಸಂಭ್ರಮವನ್ನು ಸೌಂದರ್ಯ ಅವರು ಇನ್‌ಸ್ಟಾಗ್ರಾಮ್ ಮೂಲಕ ಹಂಚಿಕೊಂಡಿದ್ದಾರೆ.
ಸೌಂದರ್ಯ ಅವರು ಈ ಹಿಂದೆ ಅಶ್ವಿನ್ ರಾಮ್‌ಕುಮಾರ್ ಜತೆ ವಿವಾಹವಾಗಿದ್ದರು. ಅವರಿಗೆ ವೇದ್‌ ಎಂಬ ಮಗನಿದ್ದಾನೆ. ಆತ ಅಶ್ವಿನ್ ಅವರ ಜತೆಗಿದ್ದಾನೆ. ಅವರ ವಿವಾಹ ಮುರಿದುಬಿದ್ದ ನಂತರ ಐಶ್ವರ್ಯ ಮತ್ತು ವಿಶಾಗನ್ ಮದುವೆಯಾದರು.
ಈಗ ಜನಿಸಿರುವ ಮಗುವಿಗೆ ವೀರ್ ರಜನಿಕಾಂತ್ ವನಂಗಮುಡಿ ಎಂದು ನಾಮಕರಣ ಮಾಡಲಾಗಿದೆ.
ಪುಟ್ಟ ಮಗುವಿನ ಜನನದ ಸಂದರ್ಭ ಸಹಕರಿಸಿದ ವೈದ್ಯರಿಗೂ ಸೌಂದರ್ಯ ಧನ್ಯವಾದ ಅರ್ಪಿಸಿದ್ದಾರೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.