ರುಚಿಯಾದ ರವೆ ಉಂಡೆ ಮನೆಯಲ್ಲೇ ಮಾಡಬೇಕಾ? ಇಲ್ಲಿದೆ ಸುಲಭ ವಿಧಾನ

ಅನೇಕರ ನೆಚ್ಚಿನ ಸಿಹಿ ತಿನಿಸುಗಳಲ್ಲಿ ರವೆ ಉಂಡೆ ಕೂಡ ಒಂದಾಗಿರುತ್ತದೆ. ಬೇಕರಿಗಳಲ್ಲಿ ಅದನ್ನು ಖರೀದಿಸಿ ತಿನ್ನಲು ಇಷ್ಟವಿಲ್ಲದಿದ್ದರೆ, ಮನೆಯಲ್ಲಿ ಹೇಗೆ ಸುಲಭ ವಿಧಾನದಲ್ಲಿ ಮಾಡಬಹುದು ಎಂಬುದನ್ನು ನೋಡೋಣ.

ರವೆ ಉಂಡೆ ಮಾಡಲು ಬೇಕಾಗುವ ಸಾಮಾಗ್ರಿಗಳು:

ಚಿರೋಟಿ ರವೆ ಅಥವಾ ಸೂಜಿ ರವೆ

ಸಕ್ಕರೆ ಅಥವಾ ಬೆಲ್ಲ

ತುಪ್ಪ

ಒಣ ಹಣ್ಣುಗಳು

ಏಲಕ್ಕಿ ಪುಡಿ

ಒಣ ಕೊಬ್ಬರಿ/ತೆಂಗಿನ ತುರಿ

ಹಾಲು

ಮಾಡುವ ವಿಧಾನ

ಹಂತ 1: ಒಂದು ಬಾಣಲಿಯಲ್ಲಿ 2 ಚಮಚ ತುಪ್ಪದ ಜೊತೆಗೆ 1 ಕಪ್ ರವೆಯನ್ನು ಹಸಿ ವಾಸನೆ ಹೋಗುವವರೆಗೆ ಬಿಸಿ ಮಾಡಿಕೊಳ್ಳಿ.

ಹಂತ 2: ಕಾದ ರವೆಯನ್ನು ತಣ್ಣಾಗಾದ ಬಳಿಕ ಸಕ್ಕರೆ ಅಥವಾ ತುರಿದ ಬೆಲ್ಲವನ್ನು ಸೇರಿಸಿ 1 ನಿಮಿಷಗಳ ಕಾಲ ಮಿಕ್ಸಿಯಲ್ಲಿ ನೀರು ಹಾಕದೇ ರುಬ್ಬಿಕೊಳ್ಳಿ.

ಹಂತ 3: ಅದೇ ಬಾಣಲೆಗೆ ಒಣಹಣ್ಣುಗಳನ್ನು ಹಾಕಿ ಸ್ವಲ್ಪ ಬಿಸಿ ಮಾಡಿಕೊಳ್ಳಿ.

ಹಂತ 4: ಒಣ ಕೊಬ್ಬರಿ ಅಥವಾ ತೆಂಗಿನ ತುರಿ ಸ್ವಲ್ಪ ಕಾಯಿಸಿಕೊಳ್ಳಿ.

ಹಂತ 5: ನಂತರ ಕಾಯಿಸಿದ ಹಾಲಿನ ಜತೆಗೆ ಕೊಬ್ಬರಿ ತುರಿ, ರುಬ್ಬಿಕೊಂಡ ರವೆ, ಡ್ರೈ ಫ್ರೂಟ್ಸ್ ಗಳನ್ನು ಮಿಶ್ರಣ ಮಾಡಿ ಹದಕ್ಕೆ ಕಲಸಿಕೊಳ್ಳಿ.

ಹಂತ 6: ನಂತರ ಉಂಡೆ ಕಟ್ಟಿ ಸವಿಯಿರಿ.