ಮಹಿಳಾ ಸಮ್ಮಾನ್ ಉಳಿತಾಯ ಯೋಜನೆ ಲಾಭಗಳೇನು? ಹೂಡಿಕೆಗೆ ಸಿಗಲಿದೆ ಅಧಿಕ ಬಡ್ಡಿದರ..

ಮಹಿಳಾ ಸಬಲೀಕರಣದ ಉದ್ದೇಶದಿಂದ ಭಾರತ ಸರ್ಕಾರವು ಹಲವು ಯೋಜನೆಗಳನ್ನು ಜಾರಿಗೆ ತಂದಿದೆ. ಅದೇ ರೀತಿ 2023ರಲ್ಲಿ ಮಹಿಳಾ ಸಮ್ಮಾನ್ ಉಳಿತಾಯ ಪ್ರಮಾಣಪತ್ರ ಯೋಜನೆಯನ್ನು ಜಾರಿ ಮಾಡಿತು. ಇದರಲ್ಲಿ ಮಹಿಳೆಯರು ಖಾತೆಯನ್ನು ತೆರೆದು ಹಣವನ್ನು ಹೂಡಿಕೆ ಮಾಡಬಹುದು. ಸಣ್ಣ ಉಳಿತಾಯವನ್ನು ಮಾಡುವವರಿಗೆ ಈ ಯೋಜನೆಯು ಅನುಕೂಲವಾಗಲಿದೆ ಎಂದು ಅಂಚೆ ಇಲಾಖೆ ಹೇಳುತ್ತದೆ. 

ಈ ಯೋಜನೆಯಲ್ಲಿ ಗರಿಷ್ಠ ₹2 ಲಕ್ಷದವರೆಗೂ ಹೂಡಿಕೆಯನ್ನು ಮಾಡಬಹುದು. ಹೂಡಿಕೆ ಮಾಡಿದ ಠೇವಣಿಯ ಮೇಲೆ ವಾರ್ಷಿಕವಾಗಿ ಶೇ 7.5 ರಷ್ಟು ಬಡ್ಡಿಯನ್ನು ಪಡೆಯಬಹುದು. ಇದು ತೆರಿಗೆ ವಿನಾಯಿತಿಗೆ ಒಳಪಟ್ಟಿರುವ ಯೋಜನೆಯಾಗಿದೆ. ಈ ಯೋಜನೆಯಲ್ಲಿ ಹೂಡಿಕೆ ಮಾಡುವುದು ಹೇಗೆ ಎಂಬ ಸಂಪೂರ್ಣ ಮಾಹಿತಿ ಇಲ್ಲಿದೆ. 

• ಖಾತೆ ತೆರೆಯಲು ಮಹಿಳೆಯರಿಗೆ ಮಾತ್ರ ಅವಕಾಶ.                                                 

• ಅಪ್ರಾಪ್ತ ಬಾಲಕಿಯ ಹೆಸರಿನಲ್ಲಿ ಖಾತೆ ತೆರೆಯಬಹುದು. ಆದರೆ ಆ ಖಾತೆಯನ್ನು ಪೋಷಕರು ಅಥವಾ ಪಾಲಕರು ನಿರ್ವಹಣೆ ಮಾಡಬೇಕು.

• ಕನಿಷ್ಠ ₹1000ಗಳನ್ನು ಠೇವಣಿ ಇಡುವ ಮೂಲಕ ಖಾತೆ ತೆರೆಯಬಹುದು.                         

• ಒಂದು ಖಾತೆಯಲ್ಲಿ ಗರಿಷ್ಠ ₹2 ಲಕ್ಷದ ವರೆಗೂ ಹೂಡಿಕೆ ಮಾಡಬಹುದು. 

• ಠೇವಣಿಗೆ ವಾರ್ಷಿಕ ಶೇ 7.5 ರಷ್ಟು ಬಡ್ಡಿ ದೊರೆಯುತ್ತದೆ.

• ಬಡ್ಡಿಯನ್ನು 3 ತಿಂಗಳಿಗೊಮ್ಮೆ ಖಾತೆಗೆ ಜಮಾ ಮಾಡಲಾಗುತ್ತದೆ. ಖಾತೆಯನ್ನು ಮುಚ್ಚುವಾಗ ಬಡ್ಡಿಯನ್ನು ಪಾವತಿಸಲಾಗುತ್ತದೆ.

• ಖಾತೆ ತೆರೆದ ದಿನದಿಂದ 1 ವರ್ಷ ಪೂರ್ಣವಾದ ಬಳಿಕ ಅರ್ಹ ಬಾಕಿ ಮೊತ್ತದ ಶೇ 40 ರಷ್ಡು ಹಣವನ್ನು ಹಿಂಪಡೆಯಬಹುದು. ಉಳಿದ ಹಣವನ್ನು ಅವಧಿ ಮುಗಿದ ನಂತರ ಪಡೆಯಬಹುದು. 

• ಖಾತೆದಾರ ಮೃತಪಟ್ಟರೆ ಖಾತೆಯನ್ನು ಮುಚ್ಚಬಹುದು. 

• ಖಾತೆದಾರ ಮಾರಣಾಂತಿಕ ಕಾಯಿಲೆಗಳಿಗೆ ತುತ್ತಾದಾಗ ಹೂಡಿಕೆಯ ಹಣವನ್ನು ಹಿಂಪಡೆಯಬಹುದು.  

• ಅವಧಿಪೂರ್ವ ಖಾತೆಯನ್ನು ಮುಚ್ಚಿದರೆ, ಇಲಾಖೆಯ ಬಡ್ಡಿ ಶೇ 7.5 ಅನ್ನು ಶೇ 5.5 ಕ್ಕೆ ಇಳಿಕೆ ಮಾಡಲಾಗುತ್ತದೆ.